پرەزيدەنت قاسىم-جومارت توقاەۆ «اكىمدەردىڭ حالىقپەن كەزدەسۋلەر وتكىزۋى تۋرالى» جارلىققا قول قويدى. وندا «بارلىق دەڭگەيدەگى اكىمدەر جىل بويى حالىقپەن كەزدەسۋلەر وتكىزسىن، ولاردىڭ بارىسىندا حالىقتى تولعاندىراتىن الەۋمەتتىك ماسەلەلەرگە باسا نازار اۋدارا وتىرىپ، قازاقستاندى جاڭعىرتۋدىڭ جاڭا باعدارىنىڭ نەگىزگى باعىتتارى تۋرالى حاباردار ەتسىن جانە پروبلەمالىق ماسەلەلەردى شەشۋدىڭ جولدارى مەن مەرزىمدەرىن ءتۇسىندىرسىن» دەلىنگەن. وسىعان سايكەس، الماتى قالاسىنىڭ اكىمى ەربولات دوساەۆ جىل سوڭىنا دەيىن حالىقپەن 24 كەزدەسۋ وتكىزەدى دەپ جوسپارلانعان. بۇل جولعى كەزدەسۋ الاتاۋ اۋدانىنىڭ تۇرعىندارىمەن كەزدەسۋ وتكىزدى، دەپ حابارلايدى "ادىرنا" ءتىلشىسى.
قالا باسشىسى اۋداننىڭ دامۋى جانە تۇرعىنداردان تۇسكەن ۇسىنىستار بويىنشا اتقارىلعان جۇمىستار تۋرالى ايتىپ بەردى.
اۋداندا كوممۋنالدىق ينفراقۇرىلىمدى جاڭعىرتۋ وزەكتى ماسەلە بولىپ قالا بەرەدى. اعىمداعى جىلدىڭ تامىز ايىندا اقبۇلاق شاعىن اۋدانىندا ۇزىندىعى 29 كم ورتالىق جەلىلەر ىسكە قوسىلدى، بۇل 1,5 مىڭ جەكە ءۇيدى اۋىز سۋمەن جانە كارىزبەن قامتۋعا مۇمكىندىك بەردى. جىل سوڭىنا دەيىن «وجەت»، «سامعاۋ»، «شاپاعات». شاعىن اۋداندارىنداعى جەلىلەر اياقتالادى. 2023 جىلدىڭ ءساۋىر ايىندا تەرەكتى، بولاشاق، تۇركىستان جانە راحات-مادەنيەت شاعىن اۋداندارىندا 239 كم سۋمەن جابدىقتاۋ جانە سۋ بۇرۋ جەلىلەرىنىڭ قۇرىلىسى باستالادى، اياقتالۋ مەرزىمى 2024 جىلدىڭ جەلتوقسان ايى. ناتيجەسىندە كوممۋنالدىق ينفراقۇرىلىمعا 5 مىڭنان استام ۇيلەر قوسىلادى.
قالا اكىمى ەربولات دوساەۆتىڭ ايتۋىنشا، اۋدانداعى جولداردىڭ پايدالانۋ سيپاتتامالارىن جاقسارتۋ ءۇشىن جالپى ۇزىندىعى 42 كم بولاتىن 53 كوشەگە ورتاشا جوندەۋ جۇمىستارى جۇرگىزىلۋدە. بۇگىندە رىسقۇلوۆ، رايىمبەك داڭعىلدارى، جاڭا ساين، وتەمىسۇلى كوشەلەرى، سونداي-اق دارحان، سايالى، ۇلجان، وجەت، كوك-قاينار ش/ا بويىنشا جۇمىستار اياقتالدى. جىل سوڭىنا دەيىن العاباس جانە اقبۇلاق شاعىن اۋداندارىنداعى جولدارعا ورتاشا جوندەۋ جۇمىستارى اياقتالادى.
اۋداندا جاۋىن-شاشىن كەزىندە سۋ باسۋ ماسەلەسى وزەكتى بولىپ قالا بەرەدى. وسى ماسەلەنى شەشۋ ءۇشىن اعىمداعى جىلى تۇراقتى سۋ باسۋدىڭ 7 ۋچاسكەسىندە ارىقتاردى سالۋ جانە رەكونسترۋكتسيالاۋ بويىنشا جوبالار اياقتالدى. 3 كوللەكتور قالپىنا كەلتىرىلىپ، ۇزىندىعى 955 م. ارىق جەلىسى سالىندى. جىل سوڭىنا دەيىن تاعى 11 سۋ باسۋ ۋچاسكەسىندە جۇمىستار اياقتالادى.
اعىمداعى جىلدىڭ كوكتەمىندە اۆتوبۋس پاركىن جاڭارتۋ ماسەلەسى بويىنشا اكىمدىك 450 جاڭا اۆتوبۋس ساتىپ الدى، ونىڭ 92-ءسى الاتاۋ اۋدانىنا بەرىلدى. وسىلايشا، اۋداننىڭ اۆتوبۋس پاركى تولىعىمەن جاڭارتىلدى.
وقۋشى ورىندارىنىڭ تاپشىلىعى ماسەلەسىن شەشۋ ءۇشىن 1 قىركۇيەكتە 4800 ورىندىق 3 جاڭا مەكتەپ اشىلدى. بۇل الماتى قالاسىنداعى جالعىز ءۇش اۋىسىمدى مەكتەپ ماسەلەسىن تۇپكىلىكتى شەشۋگە مۇمكىندىك بەردى. 3000 ورىندىق تاعى 2 مەكتەپ جىل سوڭىنا دەيىن پايدالانۋعا بەرىلەدى. سونىمەن قاتار، سايالى-2, زەردەلى جانە سامعاۋ شاعىن اۋداندارىندا 2600 ورىندىق 3 جاڭا مەكتەپ سالۋ جۇمىستارى جۇرگىزىلۋدە.
مەكتەپكە دەيىنگى ۇيىمدارداعى تاپشىلىقتى قىسقارتۋ ماقساتىندا اعىمداعى جىلدىڭ تامىز ايىندا سايالى شاعىن اۋدانىندا 160 ورىندىق بالاباقشا قۇرىلىسى باستالدى. سايالى. قۇرىلىستى اياقتاۋ 2023 جىلدىڭ ناۋرىزىنا جوسپارلانعان.
الاتاۋ اۋدانىنىڭ تۇرعىندارى ءۇشىن سپورتتىق نىساندارمەن قامتاماسىز ەتۋ جۇمىستارى جالعاسۋدا. اعىمداعى جىلدىڭ ناۋرىز ايىندا جەكە ينۆەستوردىڭ قاراجاتى ەسەبىنەن ۇستەل تەننيسى ورتالىعى اشىلدى، وعان قازىر كۇن سايىن 50 بالا كەلەدى. زەردەلى شاعىن اۋدانىندا دەنە شىنىقتىرۋ-ساۋىقتىرۋ كەشەنىنىڭ، ال نۇركەنت شاعىن اۋدانىندا تەننيس كورتىنىڭ قۇرىلىستارى قوسىمشا جۇرگىزىلۋدە. بۇل سپورت كەشەندەرى 2023 جىلدىڭ جەلتوقسانىندا اشىلاتىن بولادى.
2023 جىلعى ماۋسىمعا دەيىن سايالى، قاراسۋ شاعىن اۋداندارىندا مەديتسينالىق قىزمەت كورسەتۋدىڭ قادامدىق قولجەتىمدىلىگىن قامتاماسىز ەتۋ ءۇشىن كۇنىنە 200 ادام كەلەتىن ەكى دارىگەرلىك امبۋلاتوريا سالىنادى.
سونىمەن قاتار، قالا اكىمى ربولات دوساەۆ «حالىقتىڭ بيۋدجەتكە قاتىسۋى» باعدارلاماسىنىڭ ىسكە اسىرىلۋ بارىسى تۋرالى حاباردار ەتتى. بيىل اۋداندا 24 جوبا اياقتالدى. بۇل 12 فۋتبول، 7 باسكەتبول، 6 ۆولەيبول الاڭى، بالالار الاڭى جانە workout الاڭدارى. بۇگىنگى تاڭدا 18 جوبا بويىنشا جۇمىستار جۇرگىزىلۋدە (6 سكۆەر جانە 12 بالالار جانە workout الاڭدارى).
الماتى اكىمىمەن كەزدەسۋ بارىسىندا تۇرعىندار جولداردى جوندەۋ، كارىز جانە ەلەكتر جەلىلەرىن اباتتاندىرۋ جانە ت. ب. ماسەلەلەردى كوتەردى.
مەملەكەت باسشىسى قاسىم-جومارت توقاەۆتىڭ جارلىعىمەن بەكىتىلگەن حالىقپەن كەزدەسۋدىڭ جاڭا فورماتىنا سايكەس، جىل سوڭىنا دەيىن ەربولات دوساەۆ حالىقپەن 24 كەزدەسۋ وتكىزەدى – 8 اۋداننىڭ ارقايسىسىنىڭ تۇرعىندارىمەن توقسانىنا ءبىر كەزدەسۋ.
