ەلىمىزدە "قوعام ءۇنى" سوتسيال-دەموكراتيالىق پارتياسى اشىلۋى مۇمكىن

518

قازاقستاندا تاعى ءبىر ساياسي پارتيا قۇرىلۋى مۇمكىن. قوعام بەلسەندىسى رۇستەم اشەتاەۆ شىنايى حالىقتىق پارتيا قۇرعىسى كەلەتىنىن جاريالادى. 

"قوعام ءۇنى" سوتسيال-دەموكراتيالىق پارتيا اشامىن!

ازىرگە باستى ەرەجەسىمەن تانىستىرايىن.

بارلىق وڭىرلەردە فيليالدارى جۇمىس جاساپ تۇرۋ ءۇشىن، ءبىر جىلدا 200 ميلليون تەڭگە جۇمسالىپ وتىرۋى كەرەك بولادى.
200 ميلليوندى 20 مىڭ مۇشەسىنە بولسەك، 10 000 تەڭگەدەن تيەدى ەكەن.
قوسىمشا:
- تۆ-عا روليكتىك جارنامامىزعا;
- ۇگىت-ناسيحات جۇمىستارىمىزعا;
- پارتيالىق جۇمىسىنىڭ زاڭدىلىقتارىن ۇيرەتۋ كۋرستارىنا ت.ب. جۇمىستارعا شىعىندارى بار.

سوندىقتان:
1) بارلىق پارتيامىزعا تىركەلگىسى كەلەتىن ازاماتتار 15 000 تەڭگەلىك جىلدىق جارناسىن تولەۋگە;

2) ساياسي ساۋاتتاندىرۋ، سەنىمدى ۋاكىل بولۋ، پارتيا باعدارلاماسىن ءتۇسىندىرۋ، ميتينگى ت.ب قوسىمشا جيىندارعا قاتىسىپ وتىرۋعا;

3) "وزىمبىلەرمەندىكپەن" كەز-كەلگەن جەردە ويىنا كەلگەن مالىمدەمە جاساماستان، پارتيانىڭ شەشىمىنە باعىنىپ، پارتيانىڭ ۇستانىمىمەن ۇندەسەتىن مالىمدەمەلەر جاساۋعا عانا;

4) ءوز ەركىمەن تولەگەن جارناسى اۆتوماتتى تۇردە پارتيانىڭ مەنشىگىنە وتەتىندىكتەن، جارناسىنىڭ "تاريحىمەن" تانىسۋ ءۇشىن تەك قانا پارتيا توراعاسىنا شاعىمدانۋعا;

5) ۇسىنىستار تەك قانا پارتيا باسشىلىعىنا جولدانىپ، سول ۇسىنىسىنا پارتيا جيىنىندا قابىلدانعان شەشىمگە باعىنۋعا مىندەتتى;

6) كۇرەسىمىز پارلامەنتتەن بولەك، فيليالداردى بارىنشا كۇشەيتۋ بولماق. سوندىقتان، الدىمەن ءار ءوڭىردىڭ مۇشەلەرى جەرگىلىكتى ماسليحاتتارداعى ورىندار ءۇشىن كۇرەسەدى;

7) پارلامەنتكە باراتىندارعا ارنالعان پارتيالىق ءتىزىم دەگەن بولمايدى !!!

ازىرشە  تالاپتارىم وسىنداي.

ءاربىر پارتيانىڭ جۇمىسىنا وسىنداي وراسان زور قارجى كەرەكتىگىن، جوعارىدا كورسەتكەندەي نەگىزگى تالاپتارى بولاتىنىن تۇسىنگەن بولارسىزدار؟!
كەز-كەلگەن پارتيا ءوزىن-ءوزى قارجىلاندىرۋى كەرەك. ەگەر دە، بەلگىسىز قارجى كوزدەرىمەن قارجىلاندىرىلاتىن پارتيالار بولسا، وندا، ول پارتيا بەلگىسىز قارجىلى ازاماتتاردىڭ بەلگىلى ءبىر مۇددەلەرىنە جۇمىس جاسايتىنىن وسى باستان تۇسىنگەندەرىڭىز ابزال.
ەگەر دە، ءابساليۋتتى ەشكىمگە باعىنىشتى ەمەس، قارجى قورى ءوزىنىڭ مۇشەلەرىنەن جينالاتىن دەربەس پارتيانىڭ مۇشەسى بولعىڭىز كەلسە، جىلدىق جارناسىن تولەپ، "قوعام ءۇنى" پارتياسىنا مۇشە بولۋىڭىزعا تۋرا كەلەدى.
بۇل پارتيا --  پايداكۇنەمدەرگە ارنالماعان!
تەك قانا يدەيا ءۇشىن توپتاسىپ، ءوزىن ءوزى قارجىلاندىرىپ، ەلدىڭ بولاشاعى ءۇشىن قالتاسىنان شىعىن شىعارا وتىرىپ كۇرەسكىسى كەلەتىن شىنايى پاتريوتتارعا ارنالعان.

بىرەۋدىڭ قارجىسىنا قۇرىلىپ، سولاردىڭ باعدارلاماسىنىڭ اينالاسىندا ءجۇرىپ بىردەڭە وزگەرتەمىن دەپ قيالداپ جۇرگىسى كەلەتىندەرگە بۇل پارتيادا ورىن جوق!
ەلىنىڭ بولاشاعى ءۇشىن ءوز قالتاسىنان جارنا تولەپ كۇرەسكىسى كەلمەيتىن، بىرەۋدىڭ "تەگىن مىنبەرىنەن" ۇرانداتىپ "الما ءپىس، اۋزىما تۇسپەن" كۇرەستە جەڭەمىن دەپ ويلاسا، ولاردا بۇل پارتيانى اينالىپ وتە بەرگەندەرى دۇرىس.

"پارلامەنتتىك رەسپۋبليكا، "پارتيالىق كۇرەس" دەپ جۇرگەندەردىڭ كوزدەرى اشىلىپ، شىنايى پارتيالىق كۇرەستىڭ قانداي بولاتىنىن ەرتەرەك تۇسىنگەندەرى وزدەرىنە جاقسى.

ەسكەرتىپ قويايىن!
"ارتىمدا" ەشكىم جوق.
توبىر توپىرلاتقان وتىرىك كۇرەسكە شاقىرىپ ەلدى الداماي، شىنايى پارتيالىق كۇرەستىڭ ۇلگىسىن كورسەتكىسى كەلەتىن قازاقتىڭ بالاسىمىن.

قولداپ، شىنايى پارتيالىق جولمەن جۇيەلى تۇردە كۇرەسكىمىز كەلەدى دەيتىن ازاماتتار بولسا، پىكىر ءبىلدىرىپ ءوز ويلارىڭىزدى جازىڭىزدار!

ال، كورەيىك شىنايى يدەيا ءۇشىن، جارناسىن تولەپ كۇرەسكىسى كەلەتىن ازاماتتارىمىز قانشا ەكەنىن!

رۋستەم اشەتاەۆ 87022752010

پىكىرلەر