ەندى رەسەيدىڭ بارلىق مەكتەپتەرىندە "تاربيە تالىمگەرلەرى" پايدا بولادى. ولار وقۋشىلاردى اتا-اناسىمەن بىرگە قايتا تاربيەلەپ، رەسەي بيلىگىنىڭ پروپاگانداسىمەن، ساياساتىمەن ساناسىن "ۋلاۋدىڭ" جاڭا ادىسىنە كوشەدى. تاربيە جونىندەگى كەڭەسشىلەر ماقتاتتى تۇردە كەلەسى وقۋ جىلىنان باستاپ قىزمەتكە كىرىسەدى، دەپ حابارلايدى "ادىرنا" ۇلتتىق پورتالى 'تاسس'-قا سىلتەمە كورسەتە وتىرىپ.
- بارلىق رەسەي مەكتەپتەرىندە "تاربيە جونىندەگى كەڭەسشىلەر" پايدا بولادى. كەلەسى وقۋ جىلىنان باستاپ ءار ايماقتا مەملەكەتتەن تولەنەتىن قوسىمشا اقىسى بار "تاربيە جونىندەگى كەڭەسشى" لاۋازىمى ەنگىزىلەدى", - دەدى ءبىلىم مينيسترلىگىنىڭ باسشىسى سەرگەي كراۆتسوۆ. ولار بالالاردىڭ "پاتريوت" بولىپ ءوسۋىن قاداعالاپ، ەل-جەرىن شەكسىز سۇيۋگە ۇيرەتپەك. بۇل لاۋازىمعا ۆ. پۋتين باستاعان "ارنايى وپەراتسياعا" قاتىسۋشىلاردى دا قابىلداۋ ۇسىنىلعان.
ءبىلىم ءمينيسترى وقۋشىلاردى عانا ەمەس، ولاردىڭ انا-انالارىن دا قايتا تاربيە تەزىنە سالاتىنىن ايتتى.
"اتا-انالارعا ەلىمىزدىڭ جەتىستىكتەرىن باسا ايتىپ، قاجەت دۇنيەلەردى ۇيرەتكەن دۇرىس. مەنىڭ ويىمشا، بۇل باستاما اتا-انالارعا دا قىزىقتى بولار ەدى", - دەدى مينيستر.
وقۋشىلار مەن اتا-انالار ءۇشىن "ماڭىزدى اڭگىمەلەر" مەكتەپتە عانا ايتىلىپ قويمايدى، 20 اقپاننان باستاپ ء"بىرىنشى ارنادان" كورسەتىلەدى. حابارلاندىرۋعا سەنسەك، ساباقتى وتكىزىپ العان اتا-انالار مەن وقۋشىلار تەلەديدارعا تەلمىرۋى ءتيىس. ۇكىمەت تىكەلەي ترانسلياتسيا ارقىلى دا ولاردى "تاربيەلەمەك". وسىلايشا ولاردىڭ ميىنا "قۇرت" سالۋدىڭ بارلىق جاعدايى جاسالعان. بيلىك وكىلدەرى رەسەي حالقىنىڭ فەدەرالدى سپيكەرلەردى تىڭداپ، ۇيىندە "ەل-جەردىڭ" ماڭىزدى ماسەلەلەرى تۋرالى سويلەسۋدى جالعاستىرا الاتىنىن ايتىپ وتىر.
بۇعان قاتىستى ۋكراينا بۇقارالىق اقپارات قۇرالدارى تومەندەگى سارىندا اقپار تاراتتى. ولار:
- ءپۋتيننىڭ ۇگىت-ناسيحاتىمەن زومبيلەۋ بارعان سايىن كەڭەيىپ، اگرەسسيۆتى بولا تۇسۋدە. بالالارىڭىزدىڭ بۇلىنبەگەن ساناسىن بارىنشا قورعاڭىز! - دەپ جازىپ جاتىر.
"ادىرنا" ۇلتتىق پورتالى
