Endi Reseıdiń barlyq mektepterinde "tárbıe tálimgerleri" paıda bolady. Olar oqýshylardy ata-anasymen birge qaıta tárbıelep, Reseı bıliginiń propagandasymen, saıasatymen sanasyn "ýlaýdyń" jańa ádisine kóshedi. Tárbıe jónindegi keńesshiler maqtatty túrde kelesi oqý jylynan bastap qyzmetke kirisedi, dep habarlaıdy "Adyrna" ulttyq portaly 'TASS'-qa silteme kórsete otyryp.
- Barlyq Reseı mektepterinde "tárbıe jónindegi keńesshiler" paıda bolady. Kelesi oqý jylynan bastap ár aımaqta memleketten tólenetin qosymsha aqysy bar "tárbıe jónindegi keńesshi" laýazymy engiziledi", - dedi Bilim mınıstrliginiń basshysy Sergeı Kravov. Olar balalardyń "patrıot" bolyp ósýin qadaǵalap, el-jerin sheksiz súıýge úıretpek. Bul laýazymǵa V. Pýtın bastaǵan "arnaıy operaııaǵa" qatysýshylardy da qabyldaý usynylǵan.
Bilim mınıstri oqýshylardy ǵana emes, olardyń ana-analaryn da qaıta tárbıe tezine salatynyn aıtty.
"Ata-analarǵa elimizdiń jetistikterin basa aıtyp, qajet dúnıelerdi úıretken durys. Meniń oıymsha, bul bastama ata-analarǵa da qyzyqty bolar edi", - dedi mınıstr.
Oqýshylar men ata-analar úshin "Mańyzdy áńgimeler" mektepte ǵana aıtylyp qoımaıdy, 20 aqpannan bastap "Birinshi arnadan" kórsetiledi. Habarlandyrýǵa sensek, sabaqty ótkizip alǵan ata-analar men oqýshylar teledıdarǵa telmirýi tıis. Úkimet tikeleı translıaııa arqyly da olardy "tárbıelemek". Osylaısha olardyń mıyna "qurt" salýdyń barlyq jaǵdaıy jasalǵan. Bılik ókilderi Reseı halqynyń federaldy spıkerlerdi tyńdap, úıinde "el-jerdiń" mańyzdy máseleleri týraly sóılesýdi jalǵastyra alatynyn aıtyp otyr.
Buǵan qatysty Ýkraına buqaralyq aqparat quraldary tómendegi sarynda aqpar taratty. Olar:
- Pýtınniń úgit-nasıhatymen zombıleý barǵan saıyn keńeıip, agressıvti bola túsýde. Balalaryńyzdyń búlinbegen sanasyn barynsha qorǵańyz! - dep jazyp jatyr.
"Adyrna" ulttyq portaly