اعىمداعى جىلدىڭ 14 اقپانىندا "ادال سايلاۋ ءۇشىن" شتاب مۇشەلەرىنىڭ قازاقستان رەسپۋبليكاسى پارلامەنتى ءماجىلىسى مەن ءماسليحاتتارى دەپۋتاتتارىنىڭ الداعى سايلاۋ ناۋقانى كەزەڭىندەگى احۋالدى باعالاۋ ناتيجەلەرى تۋرالى كوپشىلىككە حابارلاۋ ماقساتىندا "قازاقستان زاڭگەرلەر وداعى" رەسپۋبليكالىق قوعامدىق بىرلەستىگىنىڭ كەڭسەسىندە باق ءۇشىن بريفينگ ءوتتى.
شتاب باسشىسى - سەرىك اقىلباي كەزەكتەن تىس سايلاۋدى دايىنداۋ جانە وتكىزۋ جونىندەگى نەگىزگى ءىس-شارالاردىڭ كۇنتىزبەلىك جوسپارىنا قىسقاشا توقتالدى. ماسەلەن، 2023 جىلعى 18 اقپاندا ساعات 18:00-دە كانديداتتار مەن پارتيالىق تىزىمدەردى تىركەۋ اياقتالادى.
دەپۋتاتتىققا كانديدات ەڭ الدىمەن سايلاۋ قۇقىعىنا يە بولۋى كەرەك. سوت ارەكەتكە قابىلەتسىز دەپ تانىعان، سونداي-اق سوت ۇكىمى بويىنشا باس بوستاندىعىنان ايىرۋ ورىندارىنداعى ازاماتتاردىڭ سايلانۋعا قۇقىعى جوق. پارلامەنت ءماجىلىسىنىڭ دەپۋتاتتىعىنا كانديدات ونىڭ اۋماعىندا سوڭعى 10 جىلدا تۇراقتى تۇراتىن، 25 جاسقا تولعان قازاقستان رەسپۋبليكاسىنىڭ ازاماتى بولا الادى.
س.اقىلباي جۇرگىزىلگەن مونيتورينگ ناتيجەلەرى بويىنشا وكرۋگتىك سايلاۋ كوميسسياسىنا كانديداتتىڭ قازاقستان اۋماعىندا سوڭعى 10 جىل بويى تۇراقتى تۇرۋ بولىگىندە كانديداتتىڭ سايكەستىگىن انىقتاۋ قيىنعا سوققان جاعداي ورىن العانىن، سەبەبى بۇل دەرەكتەر كوشى-قون قىزمەتىنىڭ دەرەكتەرى بويىنشا راستالماعانىن اتاپ ءوتتى.
زاڭناما بويىنشا سايلاۋ كوميسسيالارى وكىلەتتى ورگانداردان الىنعان مالىمەتتەردى قايتا تەكسەرۋگە قۇقىلى ەمەس. قۇقىقتىق ورىستە تۇراقتى تۇرۋدىڭ زاڭدى فاكتىسىن راستاۋ جانە انىقتاۋ تەك سوت تارتىبىمەن مۇمكىن بولادى.
سوت شەشىمىنىڭ نەگىزىندە وكرۋگتىك سايلاۋ كوميسسياسى ءوز شەشىمىن قايتا قاراپ، كانديداتتىڭ پارلامەنت ءماجىلىسىنىڭ دەپۋتاتتىعىنا كانديداتتارعا قويىلاتىن تالاپتارعا سايكەستىگىن انىقتادى.
سونداي-اق، ابدىكارىم اقجانوۆ پارتيالىق تىزىمدەر بويىنشا دا، ءبىر مانداتتى وكرۋگتەر بويىنشا دا دەپۋتاتتىققا كانديداتتار زاڭ ەرەجەلەرىن باسشىلىققا الۋعا مىندەتتى ەكەنىن، ويتكەنى دەپۋتاتتار زاڭ شىعارۋ جانە مەملەكەتتىك شەشىمدەر قابىلداۋ سالاسىندا جاۋاپكەرشىلىك جۇكتەمەسىن كوتەرەتىنىن اتاپ ءوتتى.
دۋمان جامپەيىسوۆ سايلاۋ زاڭناماسىنىڭ ىقتيمال بۇزۋشىلىقتاردىڭ تۇرلەرىن، ونىڭ ىشىندە ۇگىت-ناسيحات كەزەڭىنىڭ باستالۋىنا دەيىن ۇگىت ماتەريالدارىن ورنالاستىرۋ، سايلاۋ كۇنى جانە ونىڭ الدىنداعى كۇنى ۇگىت ماتەريالدارىن ورنالاستىرۋ جانە ت. ب. تۋرالى حاباردار ەتتى.
قورىتىندىلاي كەلە سەرىك اقىلباي دەپۋتاتتىققا كانديداتتار مەن پارتيالاردى سايلاۋ ناۋقانىن قازاقستان رەسپۋبليكاسىنىڭ قولدانىستاعى زاڭناماسى شەڭبەرىندە جۇرگىزۋگە شاقىردى.
بريفينگ سوڭىندا قاتىسۋشىلار باق سۇراقتارىنا جاۋاپ بەردى.
شتابتىڭ ءباسپاسوز قىزمەتى
"ادىرنا" ۇلتتىق پورتالى
