الماتى وبلىسىندا 582 وقۋشى پاندىك وليمپياداعا قاتىسۋدا

2022
Adyrna.kz Telegram

الماتى وبلىسىندا بىلىمگە جۇيرىك 9-11 سىنىپ وقۋشىلارى جالپى ءبىلىم بەرەتىن پاندەر بويىنشا رەسپۋبليكالىق وليمپيادانىڭ وبلىستىق كەزەڭىندە باق سىناۋدا.

بىلىمدىلەر باسەكەسىنە 582 وقۋشى قاتىستى.

قاتىسۋشىلاردىڭ 285-ءى جاراتىلىستانۋ-ماتەماتيكالىق، 297-ءسى قوعامدىق-گۋمانيتارلىق باعىت بويىنشا سىناق تاپسىرادى.

ايتا كەتەيىك، اتالمىش وليمپيادا الماتى قالاسىنداعى ش.سماعۇلوۆ اتىنداعى فيزيكا-ماتەماتيكالىق مامانداندىرىلعان ليتسەي-ينتەرنات بازاسىندا 13-18 اقپان كۇندەرى وتەدى.

جاۋاپتىلاردىڭ سوزىنە سۇيەنسەك، 12-18 اقپان ارالىعىندا شالعاي جاتقان ۇيعىر، كەگەن، رايىمبەك، بالقاش اۋداندارىنان كەلگەن وقۋشىلار ينتەرناتتا تۇرىپ، ەمتيحانعا قاتىسسا، قالعان 5 اۋدان مەن 1 قالانىڭ وقۋشىلارى كۇندەلىكتى كەستە بويىنشا جول-پوليتسيا قىزمەتكەرلەرىنىڭ قاداعالاۋىمەن تاسىمالداناتىن بولادى.

«وتكەن اپتادا وليمپيادانىڭ اۋداندىق كەزەڭى ءوتتى. وعان جالپى سانى 6 مىڭعا جۋىق وقۋشى قاتىستى، سونىڭ ىشىندە ەڭ ۇزدىك 582 بالا وبلىستىق كەزەڭگە جولداما الدى. وليمپيادا «ەل ءۇمىتى» پلاتفورماسى ارقىلى ەلەكتروندى تۇردە وتەدى. بىلىمدىلەر باسەكەسىنە قويىلعان تالاپ قاتاڭ. مۇندا بارلىق ارەكەتتەر، بەينەباقىلاۋ جۇيەسىنە جازىلىپ، وتىرادى. قازىرگى كەزدە اكادەميالىق ادالدىقتى ساقتاۋ ءۇشىن يۋتۋب ارقىلى تىكەلەي كورسەتىلىم ءجۇرىپ جاتىر. تالاپتاردى بۇزىپ، قولدانۋعا تىيىم سالىنعان زاتتاردى كىرگىزگەن وقۋشىنىڭ تەستىلەۋ ناتيجەسى جويىلادى»،- دەدى «جاس دارىن» ورتالىعىنىڭ ديرەكتورى ديانا تەتەنقىزى.

ەستەرىڭىزگە سالامىز، قاتىسۋشىلار تەست ناتيجەلەرىنە كەلىسپەگەن جاعدايدا 15-ءى جانە 18-ءى اقپان كۇندەرى اپەللياتسيالىق شاعىم تۇسىرە الادى.

جاۋاپتىلاردىڭ ايتۋىنشا، وليمپيادا شارتىنا سايكەس، وليمپيادادا باق سىناعان وقۋشىلاردىڭ 45%-ى جەڭىمپاز اتانۋى ءتيىس.

نەگىزگى، جەڭىمپازداردى ماراپاتتاۋ سالتاناتى 21 اقپاندا جامبىل اۋدانى، ۇزىناعاش اۋىلىنداعى مادەنيەت ۇيىندە وتەدى، ماراپاتتاۋعا 300-گە جۋىق وقۋشى قاتىسادى دەپ كۇتىلۋدە.

پىكىرلەر