نۇرلان ءماسىموۆ ەكى ءىس بويىنشا كىنالى دەپ تانىلدى

2616
Adyrna.kz Telegram

قاماۋدا وتىرعان نۇرلان ءماسىموۆ ەكى ءىس بويىنشا كىنالى دەپ تانىلدى، دەپ حابارلايدى «ادىرنا» ءتىلشىسى.

پاۆلودار قالاسىنىڭ اكىمشىلىك قۇقىق بۇزۋشىلىق ىستەرى جونىندەگى مامانداندىرىلعان سوتىندا بيۋدجەت قاراجاتىن ءتيىمسىز جوسپارلاۋ جانە پايدالانعانى ءۇشىن پاۆلودار وبلىسى ىشكى ىستەر باسقارماسىنىڭ بۇرىنعى باستىعىنا قاتىستى قر اقبتك-ءنىڭ 234-1 بابى بويىنشا ەكى ءىس قارالدى.

«2021 جىلى قىزمەتتىك جانۋارلارعا جەم ساتىپ الۋعا 60 872 100 تەڭگە قاراجات ءبولىندى. بىراق پوليتسيا دەپارتامەنتى نورمالاردى بۇزا وتىرىپ، 18 باس جىلقىعا 10 693 000 تەڭگەگە جەم بەرۋ نورماسىن اسىرا جوسپارلاعان. 2022 جىلى قىزمەتتىك جانۋارلارعا جەم ساتىپ الۋعا 13 394 000 تەڭگە قاراجات ءبولىندى. الايدا پوليتسيا دەپارتامەنتى نورمالاردى بۇزا وتىرىپ، 18 باس جىلقىعا 8 503 400 تەڭگەگە جەم بەرۋ نورماسىن اسىرا جوسپارلاعان»،— دەلىنگەن حابارلامادا.

سوت ءتيىمسىز جوسپارلاۋدىڭ بيۋدجەت قاراجاتىنىڭ ءتيىمسىز جۇمسالۋىنا اكەلىپ سوققانىن اتاپ ءوتتى.

«پوليتسيا دەپارتامەنتىنىڭ بۇرىنعى باسشىسى نۇرلان ءماسىموۆتىڭ كىناسى اكىمشىلىك قۇقىق بۇزۋشىلىق تۋرالى حاتتامالارمەن، تەكسەرۋ اكتىسىمەن، تەكسەرۋ كوميسسياسىنىڭ ماتەريالدارىمەن، ايعاقتارمەن دالەلدەندى»،—دەپ تولىقتىردى ۆەدومستۆو.

پىكىرلەر