Qamaýda otyrǵan Nurlan Másimov eki is boıynsha kináli dep tanyldy, dep habarlaıdy «Adyrna» tilshisi.
Pavlodar qalasynyń Ákimshilik quqyq buzýshylyq isteri jónindegi mamandandyrylǵan sotynda bıýdjet qarajatyn tıimsiz josparlaý jáne paıdalanǵany úshin Pavlodar oblysy ishki ister basqarmasynyń burynǵy bastyǵyna qatysty QR ÁQBtK-niń 234-1 baby boıynsha eki is qaraldy.
«2021 jyly qyzmettik janýarlarǵa jem satyp alýǵa 60 872 100 teńge qarajat bólindi. Biraq polıııa departamenti normalardy buza otyryp, 18 bas jylqyǵa 10 693 000 teńgege jem berý normasyn asyra josparlaǵan. 2022 jyly qyzmettik janýarlarǵa jem satyp alýǵa 13 394 000 teńge qarajat bólindi. Alaıda polıııa departamenti normalardy buza otyryp, 18 bas jylqyǵa 8 503 400 teńgege jem berý normasyn asyra josparlaǵan»,— delingen habarlamada.
Sot tıimsiz josparlaýdyń bıýdjet qarajatynyń tıimsiz jumsalýyna ákelip soqqanyn atap ótti.
«Polıııa departamentiniń burynǵy basshysy Nurlan Másimovtiń kinási ákimshilik quqyq buzýshylyq týraly hattamalarmen, tekserý aktisimen, tekserý komıssııasynyń materıaldarymen, aıǵaqtarmen dáleldendi»,—dep tolyqtyrdy vedomstvo.
