25 اقپان كۇنى ساعات 02:49-دا الماتى وبلىسىنىڭ توتەنشە جاعدايلار دەپارتامەنتىنە قاراساي اۋدانىنىڭ رايىمبەك اۋىلدىق وكرۋگىندەگى تۇرعىن ۇيدە ءورت شىققانى تۋرالى حابارلاما كەلىپ ءتۇستى. قۇتقارۋشىلار وقيعا ورنىنان ءۇي يەسىنىڭ دەنەسىن تاپتى، دەپ حابارلايدى "ادىرنا" ۇلتتىق پورتالى توتەنشە جاعدايلار مينيسترلىگى ءباسپاسوز قىزمەتىنە سىلتەمە جاساپ.
انىقتالعانداي، ءورت سالدارىنان اۋماعى 68 شارشى مەترلى تۇرعىن ءۇيدىڭ توبە جابىنى قۇلاعان.
"ساعات 04:00-دە ءورت وقشاۋلانىپ، 05:03-تە ءسوندىرىلدى. ءورت ورنىنان 1960 جىلعى ءۇي يەسىنىڭ ءمايىتى تابىلدى", - دەلىنگەن حابارلامادا.
مامانداردىڭ الدىن الا بولجامى بويىنشا، ەر ادامنىڭ ولىمىنە ەلەكتر سىمدارىنىڭ قىسقا تۇيىقتالۋى سەبەپ بولعان.
ءورتتى سوندىرۋگە 20 قىزمەتكەر مەن توتەنشە جاعدايلار قىزمەتىنىڭ 6 بىرلىگى، پوليتسيا، جەدەل جاردەم تەحنيكاسى جۇمىلدىرىلدى.
"ادىرنا" ۇلتتىق پورتالى
