حاتاي قالاسىندا بولعان جەر سىلكىنىسى سالدارىنان قازاقتىڭ ازاماتى، حالىقارالىق دەڭگەيدەگى مامان ميرۋس قۇرماشەۆ جوعالىپ كەتتى، دەپ حابارلايدى "ادىرنا" ۇلتتىق پورتالى.
ءزىلزالادان كەيىن بايلانىسقا شىقپاعان قازاق ازاماتى ميرۋس قۇرماشەۆتىڭ جوعالعانى جايلى ارىپتەسى ماعجان ماديەۆ جازدى.
- دوستار، ءبىزدىڭ دوسىمىز، Astana Hub تەحنوپاركىنىڭ حالىقارالىق اگەنتى ميرۋس قۇرماشەۆ تۇركياداعى ءزىلزالا كەزىندە جوعالىپ كەتتى. اعاسى المات قۇرماشەۆتىڭ ايتۋىنشا، جەر سىلكىنىسى كەزىندە ول تۇركيانىڭ حاتاي قالاسىندا بولعان. سودان بەرى ونىمەن بايلانىس ءۇزىلدى. وتباسى مەن دوستارى الاڭداپ، جان-جاقتى ىزدەستىرۋدە، بىراق ءالى دە ەشقانداي حابار-وشار جوق.ميرۋستىڭ باۋىرى مەن دوستارى، قازاقستاندىق ەرىكتىلەر بۇگىن تۇندە ىزدەستىرۋ جۇمىستارىن كۇشەيتۋ ءۇشىن تۇركياعا ۇشادى. قانداي دا ءبىر اقپارات بولسا نەمەسە ىزدەۋ توبىنا قوسىلامىن دەيتىندەر بولسا، ميرۋستىڭ اعاسى الماتقا تەلەفون ارقىلى حابارلاسۋلارىڭىزدى سۇرايمىز. +7 702 430 20 21, - دەدى ازامات.
ءدال قازىرگى ۋاقىتتا جوعارعان ازامات جايلى ەلشىلىككە حابارلاندى. قر ەلشىلىگى شۇعىل ارادا قازاق جىگىتىن ىزدەستىرۋ جۇمىستارىنا كىرىستى. ميرۋستىڭ تۋعان-تۋىسقاندارى ىزدەستىرۋ جۇمىستارىن كۇشەۋتۋ ءۇشىن بۇگىن تۇركياعا ۇشادى. وقىرمانداردىڭ بارلىعى ميرۋس قۇرماشەۆتىڭ تىلەۋىن تىلەپ وتىر.
"ادىرنا" ۇلتتىق پورتالى قازاق ازاماتىنىڭ امان-ەسەن ورتاسىنا ورالىپ، ەل-جۇرتىمەن قاۋىشاتىندىعىنا تىلەۋلەس!
"ادىرنا" ۇلتتىق پورتالى
