“ادىرنا” ۇلتتىق پورتالى YouTube ارناسىنىڭ كەزەكتى قوناعى - بايىرعى ءدىني قايراتكەر، سوۆەت ۋاعىندا ورتالىق ازيا ءدىني باسقارماسىندا قازاقستان قازيلىعىن اتقارعان، تاۋەلسىزدىك قارساڭىندا قازاقستان ءدىني باسقارماسىنىڭ نەگىزىن قالعان، العاشقى باس ءمۇفتي، قازىر ەسىك قالالىق مەشىتىنىڭ باس يمامى راتبەك قاجى نىسانبايۇلى.
سۇحبات بارىسىندا ەلدىڭ ءدىن سالاسىنداعى ءىس-ارەكەتتەرىن باياندايدى. بۇحاراداعى مير-اراب مەدرەسەسىن ءبىتىرىپ، ليۆيادا شاريعات سالاسىندا دوكتورلىق اتاق العان ول وسى سالاداعى قالىپتاسۋ كەزەڭدەرى مەن بۇگىنگى احۋالعا دا توقتالادى.
سوۆەت كەزىندەگى ءدىني جاعداي مەن قازىرگى ماسەلەگە شولۋ جاساعان ول وزىنەن كەيىن ءدىني باسقارماعا باسشىلىق ەتكەن ادامداردىڭ كەيبىرىن سىنايدى. ول شەتەلدەن ءدىني وقۋدان كەلگەندەردىڭ ساپاسىنا دا ءوز باعاسىن بەرەدى.
راتبەك قاجى قازىرگى يسلام الەمىندەگى جاعدايعا وراي بەرىلگەن سۇراقتارعا دا جاۋاپ بەرەدى.
