Hataı qalasynda bolǵan jer silkinisi saldarynan qazaqtyń azamaty, halyqaralyq deńgeıdegi maman Mırýs Qurmashev joǵalyp ketti, dep habarlaıdy "Adyrna" ulttyq portaly.
Zilzaladan keıin baılanysqa shyqpaǵan qazaq azamaty Mırýs Qurmashevtyń joǵalǵany jaıly áriptesi Maǵjan Mádıev jazdy.
- Dostar, bizdiń dosymyz, Astana Hub tehnoparkiniń halyqaralyq agenti Mırýs Qurmashev Túrkııadaǵy zilzala kezinde joǵalyp ketti. Aǵasy Almat Qurmashevtyń aıtýynsha, jer silkinisi kezinde ol Túrkııanyń Hataı qalasynda bolǵan. Sodan beri onymen baılanys úzildi. Otbasy men dostary alańdap, jan-jaqty izdestirýde, biraq áli de eshqandaı habar-oshar joq.Mırýstyń baýyry men dostary, qazaqstandyq eriktiler búgin túnde izdestirý jumystaryn kúsheıtý úshin Túrkııaǵa ushady. Qandaı da bir aqparat bolsa nemese izdeý tobyna qosylamyn deıtinder bolsa, Mırýstyń aǵasy Almatqa telefon arqyly habarlasýlaryńyzdy suraımyz. +7 702 430 20 21, - dedi azamat.
Dál qazirgi ýaqytta joǵarǵan azamat jaıly elshilikke habarlandy. QR Elshiligi shuǵyl arada qazaq jigitin izdestirý jumystaryna kiristi. Mırýstyń týǵan-týysqandary izdestirý jumystaryn kúsheýtý úshin búgin Túrkııaǵa ushady. Oqyrmandardyń barlyǵy Mırýs Qurmashevtyń tileýin tilep otyr.
"Adyrna" ulttyq portaly qazaq azamatynyń aman-esen ortasyna oralyp, el-jurtymen qaýyshatyndyǵyna tileýles!
"Adyrna" ulttyq portaly
