قىزىلوردا وبلىسى شيەلى اۋدانىنىڭ اكىمى ءاشىم ورازبەكۇلى تۇرعىندارمەن كەزدەسۋگە قاراپايىم حالىقتى كىرگىزبەي قويعان. ءوزىنىڭ مۇڭ-مۇقتاجىن اۋدان باسشىسىنا ايتۋعا بارعان كوپشىلىكتى كۇزەتشىلەر ەسىكتىڭ اۋزىنان قايتارعان دەپ حابارلايدى 31 ارنا.
قاراپايىم حالىقتى اكىممەن جۇزدەسۋگە جىبەرمەي تۇرعان قىزمەتكەرلەر بۇل ارەكەتتەرىن ارنايى بۇيرىق دەپ تۇسىندىرگەن.
"اكىمشىلىك "كىرگىزبەسىن" دەپ بۇيرىق بەرگەن. كىرگىزبە دەگەن عوي. قايتەدى ەندى", - دەيدى ەسەپ بەرەتىن زالدىڭ الدىن كۇزەتىپ، اكىمگە تەك مەملەكەتتىك قىزمەتكەرلەردى كىرگىزۋشى ازامات.
ال تۇرعىندار وسى كەزدەسۋ ءۇشىن بار تىرلىگىن تاستاپ، تاڭعى 09:00-دەن باستاپ وسى مەكەمەنىڭ جانىندا ءجۇر.
الايدا ولاردىڭ بۇل ارەكەتىنەن ناتيجە شىقپاعان.
"نەگە كىرگىزبەي جاتقانىن بىلمەيمىن عوي. ورىنداي المايتىن بولعاسىن وسىلاي جاسايدى. قازىر ء"بارىن ورىنداپ جاتىرمىز" دەپ ىشتە قۇرعاق ۋادە بەرىپ جاتقان شىعار", - دەيدى اشىنعان تۇرعىنداردىڭ ءبىرى.
