Qyzylorda oblysy Shıeli aýdanynyń ákimi Áshim Orazbekuly turǵyndarmen kezdesýge qarapaıym halyqty kirgizbeı qoıǵan. Óziniń muń-muqtajyn aýdan basshysyna aıtýǵa barǵan kópshilikti kúzetshiler esiktiń aýzynan qaıtarǵan dep habarlaıdy 31 arna.
Qarapaıym halyqty ákimmen júzdesýge jibermeı turǵan qyzmetkerler bul áreketterin arnaıy buıryq dep túsindirgen.
"Ákimshilik "kirgizbesin" dep buıryq bergen. Kirgizbe degen ǵoı. Qaıtedi endi", - deıdi esep beretin zaldyń aldyn kúzetip, ákimge tek memlekettik qyzmetkerlerdi kirgizýshi azamat.
Al turǵyndar osy kezdesý úshin bar tirligin tastap, tańǵy 09:00-den bastap osy mekemeniń janynda júr.
Alaıda olardyń bul áreketinen nátıje shyqpaǵan.
"Nege kirgizbeı jatqanyn bilmeımin ǵoı. Oryndaı almaıtyn bolǵasyn osylaı jasaıdy. Qazir "bárin oryndap jatyrmyz" dep ishte qurǵaq ýáde berip jatqan shyǵar", - deıdi ashynǵan turǵyndardyń biri.
