Belgili zańger, advokat Abzal Quspan aldaǵy Májilis saılaýynda baq synamaq, dep jazady "Adyrna" ulttyq portaly.
"Májilis depýtattyǵyna Batys Qazaqstan oblysynan bir mandatty okrýgke ózin-ózi usyný (samovydvıjenıe) tártibimen kandıdat retinde ótinish berdim. Eki aptanyń ústinde jaǵdaıdy zerttep, on oılanyp, toǵyz tolǵanyp baryp sheshim qabyldadym. Oǵan sebep bizdiń oblystyń eldi mekenderi keń baıtaq dalada shashyrańqy ornalasqan. Mysaly Jánibek, Bókeıordasy aýdandary oblys ortalyǵynan 550 km jerde ornalasqan ári SSSR kezinen beri jol joq. Okrýg bireý, al saılaý ýchaskeleriniń sany - 405. Bul turǵyda Almaty, Astana sııaqty qalalardan saılaýǵa túsken kóp yńǵaıly. Al bizdiń jaǵdaıda, osynsha jerdi aralaý, júzdegen ýchastokqa senimdi ókil tabý, olarǵa qarajat tóleý,…shyǵyn kólemin eseptep kórińiz. Árıne áleýmettik jeliniń múmkindigin joqqa shyǵara almaımyz, biraq ol sheshýshi ról atqarmaıtyndyǵyn anyq túsinip otyrmyn. Sonymen ne bolsada táýekel dep, beldi bekem býdyq. Endi aldaǵy aı jarym ýaqyt áńgimemiz saılaý týrasynda bolmaq, oǵan túsinistikpen qaraısyzdar dep oılaımyn", - dep jazdy Abzal Quspan óziniń feısbýk paraqshasynda.
"Adyrna" ulttyq portaly
