اقش: قازاقستانمەن ورتاق شەكاراسى بولماسا، تاتار، باشقۇرت تاۋەلسىزدىك الا المايدى

1379
Adyrna.kz Telegram

سوڭعى ۋاقىتتاردا ۋكراينا مەن رەسەي اراسىنداعى سوعىس رەسەيدىڭ مەملەكەتتىك قۇرىلىمى عانا ەمەس، تەرريتوريالىق تۇتاستىعىنا قاتىستى دا ماسەلەلەردىڭ شەتىن شىعاردى. فەدەراتسيا ەسەبىندە ورىس بيلىگىنە باس سۇيەپ كەلگەن تاتارستان مەن باشقۇرتستاننىڭ تاۋەلسىزدىك الۋعا قۇلشىنىسى ارتقانى بايقالادى.  «DALA INCIDE» telegram-ارناسى بۇعان قاتىستى:

تاتارستان مەن باشقۇرتستان باسشىلارى تاۋەلسىزدىك الۋدى استىرتىن زەرتتەۋ ءۇشىن كەڭەس جۇرگىزدى، دەپ جازدى.

اقش "Stratfor" جەكە بارلاۋ ورتالىعى ارقىلى قوس رەسپۋبليكاداعى حالىقتىڭ ۇستانىمىن زەرتتەۋگە دەن قويىپ وتىر. ساراپشىلار قازىردە تاتار مەن باشقۇرتتىڭ رەسەيدەن ءبولىنۋى ءۇشىن قاجەتتى فاكتورلاردى اتادى. ولاردىڭ ىشىندە: حالىق قولداۋى، ۇلتتىق بىرەگەيلىك، كۇشتىك قۇرىلىم مەن بۇۇ، تمد سىندى حالىقارالىق ۇيىمداردىڭ ىقپالى جانە قازاقستانمەن شەكارالاسۋى سىندى فاكتورلار بار.

حالىقارالىق ساراپشىلار 1925 جىلعا دەيىن ورىنبور قازاق اسسر-ى استاناسى بولعان تۇستاردا قازاق-باشقۇر شەكاراسى بولعانىن جاقسى بىلەدى. كەيىننەن قۋاندىق جانە گاي اۋداندارىن رەسەيگە قوسىپ، باۋىرلاس ۇلتتاردىڭ اراسىندا "ساياسي ءدالىز" جاسالدى.

      قازاقستان سىرتقى دوكتريناسىنا ساي رەسەيدىڭ ورىنبور وبلىسىن رەسەيدىكى دەپ مويىندايدى. سوندىقتان رەسەيگە قارسى سوعىس اشۋى ەكىتالاي. تاتارستان بەن باشقۇرتستان ورتاق كۇش سالىپ، گاي جانە قۋاندىق اۋداندارىن قارۋلى جولمەن وزدەرىنە قاراتسا، ولار قازاقستانمەن ورتاق شەكاراعا شىعا الادى. سىرتقى ەلمەن ورتاق بايلانىسى بولماسا، تاتارلار مەن باشقۇرلاردىڭ ءبىر كۇن دە تاۋەلسىز بولىپ تۇرۋى مۇمكىن ەمەس، دەپ جازادى Scifnews پورتالى.

Stratfor تاتارستان مەن باشقۇرتستاننىڭ ەگەمەندىگىنە قاتىستى قورىتىندى شىعارۋ ءۇشىن، ەڭ الدىمەن، حالىقتىڭ الەۋمەتتىك كوڭىل-كۇيىن زەرتتەۋگە كۇش سالماق.

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket