"انيماتسيانىڭ كوسەگەسى قاشان كوگەرەدى؟" - اداي ءابىلدينوۆ

​ەكىنشىدەن، Kazakhcinema-نىڭ رەسمي پاراقشاسىندا جازىلعان جايتقا انىقتامانى تالاپ ەتەمىز. ول جەردە  كومپلاەنس-وفيتسەر "Dala animation" جشس اتىنان تاپسىرىس بەرۋشى مەن ءونىم بەرۋشى اراسىندا ورىن العان الاياقتىقتىڭ بۇرىن-سوڭدى بولماعان فاكتىسىن اڭداۋسىزدا ايتىپ قالدى. مۇنى تولىق تۇسىندىرۋلەرى كەرەك.

​2022 جىلعى 6 قىركۇيەكتە "Dala animation" جشس-ءنىڭ، اتاپ ايتقاندا ستۋديا باسشىسىنىڭ تەلەفون نومىرىنە بەلگىسىز نومىردەن قوڭىراۋ كەلىپ تۇسەدى. حابارلاسۋشى ءوزىن " گتسپنك" كەاق باسقارما توراعاسى ەسەتجان مۇراتۇلى قوسۋباەۆپىن دەپ تانىستىرادى.  قوڭىراۋ شالۋشى ستۋديا باسشىسىنان "اشينا" تولىق مەتراجدى انيماتسيالىق جوباسىن قارجىلاندىرۋ بويىنشا العاشقى ترانش العان 5 000 000 تەڭگەگە تەڭ اقشالاي سومانى بەرۋدى سۇرايدى.

كەلىسسوزدەر قورىتىندىسى بويىنشا كومپانيا باسشىسى ەش كىدىرمەستەن بەلگىلەنگەن سومانى حابارلاسۋشىعا بەرەدى. الايدا، ە. م. قوسۋباەۆ مىرزا ستۋديا باسشىسىنا حابارلاسىپ، ءبىر تيىن دا سۇراماعانى بەلگىلى بولادى. جابىرلەنۋشى دەرەۋ ءتيىستى ءوتىنىشتى الماتى قالاسىنىڭ بوستاندىق ءاىىب-نە جىبەرەدى، ناتيجەسىندە الاياقتىق فاكتىسى بويىنشا قىلمىستىق ءىس قوزعالادى. الايدا، قازىرگى ۋاقىتتا جۇرگىزىلگەن ءىس بەلگىسىز سەبەپتەرمەن اۋداندىق ءىىب دەڭگەيىندە توقتاپ تۇر.

ورايى كەلگەندە ايتا كەتۋ كەرەك، مۇنداي جالعان قوڭىراۋلار سول كەزدە قارجىلاندىرۋدى موينىنا الىپ، "گتسپنك" كەاق-مەن شارت جاساسقان باسقا جەتكىزۋشىلەرگە دە كەلىپ تۇسكەن.
وسىعان بايلانىستى تومەندەگىلەي ورىندى سۇراقتار تۋىندايدى:

-نەلىكتەن "گتسپنك" كەاق باسشىلىعى  بۇل وقيعا مەن كومپلاەنس-قىزمەتى باسقا جەتكىزۋشىلەرگە قاتىستى وسىنداي جاعدايلاردىڭ قايتالانۋ مۇمكىندىگىن بولدىرماۋ ءۇشىن قارەكەتسىز نەمەسە ءۇنسىز قالدى؟

- نەلىكتەن بۇگىنگى كۇنگە دەيىن قر مادەنيەت جانە سپورت مينيسترلىگى تاراپىنان بولىپ جاتقان وقيعالارعا بايلانىستى ەشقانداي رەاكتسيا بولعان جوق؟

- قانداي سەبەپپەن 5 اي بويى ءىس اۋداندىق ءىىب قاراۋىندا بولدى جانە نەگە وسى ۋاقىتقا دەيىن الماتى قالاسىنىڭ پروكۋراتۋراسىنا دا، قر باس پروكۋراتۋراسىنا دا وسى فاكت بويىنشا "گتسپنك" كەاق تاراپىنان ءوتىنىش بولعان جوق؟

- "گتسپنك" كەاق مەن جەتكىزۋشى اراسىنداعى قارجىلىق قاتىناستارعا قاتىستى اقپارات پەن مالىمەت سىرتقا قالاي تارايدى؟
- وسى وقيعا جانە "Dala animation" جشس-ءنىڭ بۇگىنگى كۇنى "گتسپنك" كەاق تالاپ قويۋى بويىنشا سوتتا جاۋاپكەر بولىپ تابىلاتىندىعى اراسىندا قانداي دا ءبىر بايلانىس بار ما؟

وسى جانە وزگە سۇراقتارعا قاتىستى وكىنىشكە قاراي ءالى ماردىمدى جاۋاپ جوق!

"قازاقستاننىڭ انيماتسيالىق ستۋديالار قاۋىمداستىعى" زتب توراعاسى
اداي ءابىلدينوۆ