2022 جىلى قازاقستان رەسپۋبليكاسى مادەنيەت جانە سپورت مينيسترلىگى ەلىمىزدىڭ انيماتسيالىق ءوندىرىسىن بەلسەندى تۇردە قولدادى، ال بيۋدجەتى 1 ملرد. تەڭگەنى قۇرادى. ناتيجەسىندە 20 انيماتسيالىق پيلوتتىق فيلم ءتۇسىرىلىپ، كوپتەگەن جۇمىس ورىندارى اشىلدى. الايدا، شىنايى بەينەسى ءسال باسقاشا كورىنىس تاپتى. ءبىر جاعىنان انيماتسيانىڭ دامۋىن قولدايتىنداي كورىنەتىن مەملەكەت ەكىنشى جاعىنان، وعان توسقاۋىل قويادى ەكەن؟!
ماسەلە مىنادا، «قازاق كينوسى: ۇلتتىق كينەماتوگرافيانى قولداۋدىڭ مەملەكەتتىك ورتالىعى» كەاق (ول قر مادەنيەت جانە سپورت مينيسترلىگىنىڭ ۆەدومستۆولىق باعىنىستاعى قۇرىلىمى) ەلدەگى ەكى جەتەكشى انيماتسيالىق كومپانيانى جوسىقسىز جەتكىزۋشىلەر دەپ تانۋ تۋرالى سوتقا شاعىم ءتۇسىردى. ولار - «Dala animation» جشس جانە «ADAY production» انيماتسيالىق ورتالىعى. سەبەپ – «اشينا. كوكبورىلەر تۋرالى اڭىز» جانە «وركەش» انيماتسيالىق جوبالارىنىڭ شىعارماشىلىق ەسەپتەرىن بەرۋ كەزىندە كەلىسىم-شارت تالاپتارىنىڭ بۇزىلۋى.
اتالعان كومپانيالاردىڭ وكىلدەرى «قازاقستان انيماتسيالىق ستۋديالار قاۋىمداستىعى» اتب-نا قازىرگى جاعدايعا نازار اۋدارۋدى جانە ارالاسۋدى سۇراپ، كومەككە جۇگىنۋدە.
قاۋىمداستىق ەكى كومپانيانىڭ شىعارماشىلىق ەسەپتەرىن ەگجەي-تەگجەيلى زەرتتەي كەلە، ەسەپتەر كەلىسىم-شارت تالاپتارىنا، تەحنيكالىق سيپاتتاماعا، سمەتاعا جانە CPR تالاپتارىنا تولىق سايكەس كەلەدى دەگەن قورىتىندىعا كەلدى.
تاعى ءبىر جايت، «گتسپنك» كەاق وندىرىستىك ءبولىمىنىڭ باسشىلىعى مەن ماماندارى انيماتسيالىق فيلمدەردى شىعارۋدا ءتيىستى بىلىكتىلىكتەرى جوق، «ساپاسىز سىزبا» دەپ حابارلامالاردى قابىلداۋدان باس تارتىپ، ەكى جوبا دا وتپەلى جانە باستاپقى ازىرلەۋ ساتىسىندا بولعانىنا قاراماستان، كومپانيالاردى پلاگيات دەپ ايىپتادى.
بۇدان كەيىن مىنانداي لوگيكالىق سۇراقتار تۋىندايدى:
– «زتمو» كەاق-نىڭ انيماتسيالىق ءوندىرىس سالاسىندا ءتيىستى بىلىكتىلىگى جوق وندىرىستىك ءبولىم قىزمەتكەرلەرىنىڭ قورىتىندىسىنا سۇيەنە وتىرىپ، ەسەپتەردى قابىلداۋدان باس تارتۋعا جانە سوتقا تالاپ قويۋعا قۇقىعى بار ما؟
– «گتسپنك» كەاق قانداي نورماتيۆتىك قۇجاتتاردىڭ نەمەسە ەرەجەلەردىڭ نەگىزىندە ەسەپتەردى قابىلداۋدان باس تارتتى؟
– «زتمو» كەاق جانىنداعى ساراپتامالىق كەڭەس ەسەپتەرمەن تانىستى ما، ەگەر تانىسقان بولسا، نەگە وتىرىستىڭ ءتيىستى حاتتاماسى جوق؟
– 2022 جىلدىڭ قاراشا ايىندا مادەنيەت جانە سپورت ءمينيسترى د.اباەۆتىڭ «Dala» انيماتسيالىق ستۋدياسىنا بارعان ساپارىندا «عتمو» كەاق باسشىلارى ە.قوسۋباەۆ پەن ب.شۇكەنوۆتىڭ وسى باعىتتاعى جۇمىستارعا «اشينا. كوكبورىلەر تۋرالى اڭىز» جوباسىنا جوعارى باعا بەرۋىن قالاي باعالاۋعا بولادى؟ ەكى اپتادان كەيىن سول تۋىندىلاردى قابىلداۋدان باس تارتا ما؟
وسى جانە باسقا دا كوپتەگەن سۇراقتار «گتسپنك» كەاق ارەكەتتەرىنىڭ زاڭدىلىعىنا كۇمان تۋدىرادى جانە «گتسپنك» كەاق-نىڭ انيماتسيالىق ستۋديالاردىڭ جۇمىسىن جۇيەلى تۇردە بۇعاتتاۋىنا كۇدىك تۋعىزادى. ىقتيمال سەبەپ كومپانيادان زاڭسىز سىياقى الۋ ماقساتىندا «گتسپنك» كەاق باسشىلىعى تاراپىنان قاساقانا قىسىم بولۋى مۇمكىن.
سوندىقتان بۇل سوراقى پرەتسەدەنت قازاقستان رەسپۋبليكاسى مادەنيەت جانە سپورت مينيسترلىگى مەن باسقا دا ءتيىستى قۇرىلىمداردىڭ دەرەۋ ارالاسۋىن تالاپ ەتەدى.
ءبىر ايتا كەتەرلىگى، «Dala animation» جانە «ADAY production» انيماتسيالىق كومپانيالارى ەلىمىزدەگى انيماتسيالىق وندىرىستە كوش باستاپ تۇر. بۇل كومپانيالاردىڭ جۇمىستارى ۇلىبريتانيا، تۇركيا، قىتاي، فرانتسيا جانە ت.ب. ەلدەردەگى انيماتسيالىق فەستيۆالدەردىڭ حالىقارالىق قازىلار القاسى تاراپىنان جوعارى باعالاندى.
اداي ءابىلدينوۆ، «قازاقستان انيماتسيالىق ستۋديالار قاۋىمداستىعى» قب توراعاسى
فەيسبۋك پاراقشاسىنان
