تۇركىستان قالاسىنداعى سۋ جينالاتىن ورىندارعا 40 درەناج ورناتىلعان

1580
Adyrna.kz Telegram

قازىرگى تاڭدا تۇركىستان قالاسىندا توتەنشە جاعدايعا بايلانىستى ارنايى 15 تەحنيكا سۋ تارتۋعا جۇمىلدىرىلدى. بۇل تۋرالى تۇركىستان وبلىسىنىڭ وڭىرلىك كوممۋنيكاتسيالار قىزمەتى حابارلادى، دەپ جازادى "ادىرنا" ۇلتتىق پورتالى. 

تۇركىستان وبلىسىنىڭ وڭتۇستىگىندە، تاۋلى جانە تاۋ بوكتەرلى اۋداندارىندا 31 قاڭتار مەن 1 اقپاندا جاۋىن-شاشىن بولدى. جاۋاپتى ماماندار 2 اقپان كۇنى تاۋلىك بويى وبلىستىڭ باسىم بولىگىندە وڭتۇستىك-باتىستان 17-22 م/س جىلدامدىقپەن، تاۋ اسۋلارىندا ەكپىنى 28 م/س جىلدامدىقپەن جەل تۇرادى دەپ ەسكەرتەدى. ماماندار اۋا تەمپەراتۋراسى تۇندە 0-5 گرادۋس، كۇندىز 10-12 گرادۋسقا دەيىن جىلىناتىنىن مالىمدەدى.

ايتا كەتسەك، جاۋىن-شاشىننىڭ سالدارىن جويۋ ماقساتىندا تۇركىستان قالاسىندا سۋ كوپ جينالاتىن اۋماقتارعا بىلتىر 40 درەناجدى قۇدىق ورناتىلعان بولاتىن. قازىرگى تاڭدا سۋ جينالعان اۋماقتاردا 15 تەحنيكا مەن 4 موتوپومپا ارقىلى سۋ تارتۋ جۇمىستارى اتقارىلۋدا.

"ادىرنا" ۇلتتىق پورتالى 

پىكىرلەر