باستى بەت
تۋركەستان
تۇركىستان وبلىسىندا 400 بالا وڭالتۋدان وتەدى

تۇركىستان وبلىسىندا 400 بالا وڭالتۋدان وتەدى

03.03.2021

3260

بۇل تۋرالى نۇرسۇلتان نازارباەۆ قورىنىڭ ديرەكتورى داريعا نازارباەۆانىڭ شىمكەنت قالاسىنداعى «قامقورلىق» وڭالتۋ ورتالىعىن ارالاۋ كەزىندە بەلگىلى بولدى دەپ حابارلايدى «ادىرنا» ۇلتتىق پورتالى تۇركىستان وبلىستىق ءباسپاسوز قىزمەتىنە سىلتەمە جاساپ.
ەستەرىڭىزگە سالا كەتەيىك، ورتالىق 2020 جىلدىڭ جەلتوقسان ايىندا ەلباسىنىڭ «قامقورلىق» باستاماسى اياسىندا اشىلىپ، شىمكەنت قالاسىنداعى وبلىستىق بالالار اۋرۋحاناسىندا ورنالاسقان. ورتالىقتىڭ جالپى اۋدانى 250 شارشى مەتر. ورتالىق دامۋىندا اۋىتقۋلارى بار ەرتە جاستاعى بالالارعا ارنالعان. مۇندا بالالار 21 كۇنگە سوزىلاتىن كۋرستاردان وتەدى. امبۋلاتوريالىق جانە ستاتسيونارلىق وڭالتۋ تەگىن كورسەتىلەدى.
داريعا نازارباەۆا پەداگوگتاردىڭ تۇزەتۋ ساباقتارىنا، ەمدىك دەنە شىنىقتىرۋ جانە مەحانوتەراپيانىڭ جەكە ساباقتارىنا قاتىستى، سونداي-اق ساراپتامالىق سىنىپتاعى ەلەكتروەنتسەفالوگرافتا جانە كەشەندى اۋديومەتردە بالالاردى دياگنوستيكالىق تەكسەرۋ شارالارىمەن تانىستى.
ايتا كەتۋ كەرەك، وسى ۋاقىتقا دەيىن تۇركىستان وبلىسىندا مۇنداي جابدىقتار تەك جەكە مەنشىك ورتالىقتاردا عانا بولعان.
«ەرتە ارالاسۋ ورتالىعى مودەلىنىڭ ەرەكشەلىگى – اۋماعى مەن ماماندار توبىنىڭ از بولعانىنا قاراماستان ءار بالاعا 70-كە دەيىن وڭالتۋ قىزمەتىن ۇسىنۋ مۇمكىندىگى. ءۇش وڭالتۋ كۋرسى جۇمىسىنىڭ ناتيجەلەرى بالانىڭ دامۋىنا ەرتە كەشەندى اسەر ەتۋدىڭ ماڭىزدىلىعى مەن تيىمدىلىگىن تاعى دا دالەلدەيدى. ءار بالادا وڭ ديناميكا بايقالادى، ال بەس ءسابيىمىز وڭالتۋ ساباقتارىنان كەيىن العاشقى قادامدارىن جاسادى»، - دەدى ورتالىق ديرەكتورى ءلاززات كۋچكاروۆا.
جىل سوڭىنا دەيىن 400 بالا شىمكەنتتە وڭالتۋدان وتەدى.
نۇرسۇلتان نازارباەۆ قورى ەرتە ارالاسۋ قىزمەتىن دامىتۋدىڭ تيىمدىلىگى مەن قاجەتتىلىگىن ەسكەرە وتىرىپ، ەلباسىنىڭ «قامقورلىق» باستاماسىنىڭ ەكىنشى كەزەڭى اياسىندا وسىنداي ورتالىقتاردىڭ اشىلۋىن جالعاستىرۋدى جوسپارعا الدى.
داريعا نازارباەۆا تۇركىستان وبلىسىنداعى جۇمىس ساپارى اياسىندا ەلباسىنىڭ «قامقورلىق» باستاماسى اياسىندا اشىلعان ينكليۋزيانى قولداۋ كابينەتتەرىنە دە باردى.
كابينەتتەر «№1 ا.بايتۇرسىنوۆ اتىنداعى جالپى ورتا مەكتەپ» كمم جانە وبلىس ورتالىعىنداعى «№ 21 جالپى ورتا مەكتەپ» كمم ورنالاسقان. ولار ارنايى جيھازدارمەن جانە جابدىقتارمەن، ينتەراكتيۆتى تاقتامەن، مونتەسسوري ماتەريالدارىمەن، ديداكتيكالىق قۇرالدارمەن جابدىقتالعان. كابينەتتەر قاراپايىم سىنىپقا ۇقساس، بىراق ەرەكشە ءبىلىم بەرۋ قاجەتتىلىكتەرى بار بالالارمەن جەكە جانە كىشى سىنىپتاردا جۇمىس ىستەۋگە داعدىلانعان. كابينەتتەر، سونداي-اق بالالاردى سەنسورلىق جەڭىلدەتۋ مەن مۇعالىمنىڭ جۇمىس ورنى ايماقتارىنا بولىنگەن.
يقك-دا داريعا نازارباەۆا بالالارمەن تانىسىپ، ولاردىڭ جەكە اسسيستەنتتەرىمەن (تيۋتورلارىمەن) اڭگىمەلەستى. تيۋتور سۇيەمەلدەۋىن اۋتيستىك سپەكترى بۇزىلعان ءاربىر وقۋشى ادەتتەگى سىنىپتاعى ساباق كەزىندە دە، ينكليۋزيانى قولداۋ كابينەتىندە دە الادى. اسسيستەنتتىڭ نەگىزگى مىندەتى – بالاعا مۇمكىندىگىنشە ءوز بەتىنشە ءومىر سۇرۋگە كومەكتەسۋ.
بالا ەرەكشەلىكتەرىنە بايلانىستى يقك-دا لوگوپەديالىق، دەفەكتولوگيالىق ساباقتاردا جەكە تۇزەتۋ جۇمىستارى جۇرگىزىلەدى. قور ديرەكتورى مەكتەپ ساباقتارىنا قاتىسىپ، ەرەكشە وقۋشىلاردىڭ سىنىپتىڭ جالپى جۇمىسىنا قالاي قوسىلاتىنىنا دا نازار اۋداردى.