قالامگەر ماڭدايلى قوسىمباي قوقىسقا تاستالعان قارا قازان مەن بەرەكەلى بەسىكتىڭ كيەسىن تانىپ، ءسۇت ءپىسىرىم ۋاقىتتا ۇيىنە الىپ كەتكەن اقتاۋلىق تۇرعىنداردىڭ ۇلتتىق قاسيەتى جايلى جازدى. قالامگەردىڭ ءبىر جاعىنان بۇل قۇبىلىسقا جانى اۋىرىپ، قالىڭ قازاقتىڭ قازىناسىن كوزدىڭ قاراشىعىنداي ساقتاۋعا شاقىردى، دەپ جازدى "ادىرنا" ۇلتتىق پورتالى.
اقتاۋ قالاسىنىڭ تۇرعىنى، قالامگەر ماڭدايلى قوسىمباي كوزى كورگەن وقيعا جايلى بىلاي دەپ جازادى:
- قوقىسقا كەتە جازداعان كيەلى قارا قازان مەن اق بەسىك...سىرتقا شىقسام ءۇيدىڭ قاسىنداعى قوقىس جاشىكتەرىنىڭ قاسىنا بىرەۋ شىعارىپ تاستاعان مىنا قازان كوزگە بىردەن شالىندى. قاقپاعىنىڭ تاپ-تازالىعىنا قاراعاندا بۇلاي تاستاي قوياتىنداي ەسكى نارسە ەمەس. شاماسى يەسى ۋاقتىلى تازالانباي ماي ءسىڭىپ، وت قارىپ، كۇيەلەش-كۇيەلەش بولىپ قالعان قازاندى تازالاۋعا قيىنسىنىپ شىعارىپ تاستاعانداي. بالكىم ىدىس-اياعىن جاڭارتقان بولار.ون-ون بەس مينۋتتا دۇكەن شارۋامدى ءبىتىرىپ، قايتىپ ورالسام قازان ورنىندا جوق، قۇداي دەگەن ءبىر ادام الىپ كەتكەن سەكىلدى..ال كورشىلەردىڭ ءبىرىنىڭ بالپاناقتاي ءۇش بوبەگىنە جىلى ۇيا بولىپ، قاناتتاندىرعان مىنا بەسىكتى ءبىزدىڭ نۇرمۇحان ءجانتورين اتىنداعى تەاتردىڭ التىن قولدى شەبەر ۇستالارى ءاپ-ادەمى ەتىپ قالپىنا كەلتىرىپ، رەكۆيزيتكە قوستى! - دەپ قۋانىشتى جاڭالىقپەن تۇيىندەدى اۆتور.
اۆتوردىڭ جازباسىنا ەرەكشە وقيعانى بايانداي وتىرىپ جاۋاپ جازىلدى. ءسارۋ ەرمۇحانوۆا اتتى جەلى قولدانۋشىسى ەرەكشە وقيعانى باياندادى:
- ماكە، سالەمەتسىز بە؟ ءبىزدىڭ بالالار ءۇيىنىڭ تورىندە وسىنداي بەسىك پەن ساندىق دالادان تاۋىپ العان تۇر. ءبىر اجەنىڭ ساندىعى شىعار، كوزى كەتكەسىن شىعارىپ تاستاعان. قانشا ىرىسى بولدى ەكەن سول ساندىقتا. سول ساندىقپەن بىرگە تابالدىرىقتان بالالار ۇيىنە دە ىرىس كىردى.قارا قازان كيەلى عوي، العان ادامنىڭ ىرىسى مول بولادى ەكەن!
ماڭدايلى قوسىمبايدىڭ ايتۋىنشا، قازاق ءۇشىن كيەلى قۇندىلىقتارىمىزدى قابىلدايتىن ورتالىقتىڭ بولعانى ماڭىزدى. سوندا اتادان بالاعا مۇرا ەسەبىندە كەلە جاتقان قازان مەن بەسىك دالادا قالمايدى:
- ءار وبلىس ورتالىعىندا سونداي نارسەلەردى قابىلدايتىن ءبىر ورىن بولسا عوي.
بىرەۋگە كەرەك ەمەس نارسە ەكىنشى بىرەۋگە كەرەك، ورنىن تابار ما ەدى.اۋىلدا بەسىكتى سارايعا اپارىپ، ءىلىپ قويادى. قازاندا مالدىڭ جەمى نە باسقاداي كەرەكتى-كەرەك ەمەس زاتتار تۇرا بەرەدى.قالادا قيىن. قازىر كيىم الاتىن ورىندار بار ەمەس پە، ونىڭ دا قىزمەتىن پايدالانىپ جاتىر ... - دەدى قالامگەر.
وقىرماندار اۆتوردىڭ جازباسىنا قاتىستى پىكىر بىلدىرۋدە:
"ۇلت سالت-ساناسىنان بەزىنە باستادى.
بۇل قاۋىپ. قۇداي ساقتاسىن";"قارا قازان،التىن بەسىك قازاق ءۇشىن كيەلى دۇنيەلەر. تاستاۋعا بولمايدى";
"قازان مەن بەسىكتى لاقتىرۋعا بولمايدى. قازاندى بىرەۋگە بەرۋگە بولمايدى، ءۇيدىڭ قۇت-بەرەكەسى سول قازاندا دەپ جاتاتىن ۇلكەن ادامدار. بەسىكتى دە سولاي قوقىسقا تاستاۋعا بولمايدى. قازاقتىڭ ىرىمدارىنىڭ ءبارى راس";"قازاندار مەتالل قابىلدايتىن جەرلەردە كوپ. بىردە قازان جوعالىپ كەتىپ، سونداي مەتالل قابىلدايتىن جەردەن تاۋىپ الىپ كەلدىك" دەپ جازدى وقىرماندار.
"ادىرنا" ۇلتتىق پورتالى
