بەلگىلى ايتىسكەر اقىن رينات زايتوۆ پوليتسيا قىزمەتكەرلەرىنە قاتىستى وتكىر جازبا جاريالاپ، پرەزيدەنتتەن "ويىنا كەلگەنىن" ىستەيتىن پوليتسەيلەردى جۇمىستان شىعارىپ، جاۋاپقا تارتۋدى تالاپ ەتتى. بۇل تۋرالى "ادىرنا" ۇلتتىق پورتالى جازادى.
"قاڭتار وقيعاسىنان كەيىن ءبىزدىڭ ەلدەگى پوليتسيا جۇمىسى تيتتەي بولسا دا جاقسى جاققا وزگەرۋگە ءتيىس ەدى. اتتەڭ. قاندى قاڭتاردا ءبىر مەزەتتە جوق بولىپ، تىعىلىپ قالعان ساقشىسىماقتار قايتا تايراڭداماقشى ەكەن. ءسوزىمنىڭ دالەلى مىنا كىسى بالاسى. ەسىمى المات ىرعاليەۆ ەكەن. قازاقتىڭ قارشاداي قىزىن جازىقسىز، زاڭسىز كوشەدەن ۇستاپ الىپ، قىلقىندىرىپ بولىمگە سۇيرەگەن "پالۋان". نازىم قارىنداسىمىزدى كابينەتىنە كىرگىزىپ الىپ،( جانىندا تاعى بىرەۋ بار) تەرگەگەن كەزىندە مەن جايلى دا سۇراقتار قويىپتى. بىلگىسى كەلگەنىن ەرتەڭ بەتىمە ايتسىن. ەرتەڭ بۇيىرسا ساعات 13:00 ناۋرىزباي اۋداندىق پوليتسيا بولىمشەسىنە نازىمدى جانە ءبىر توپ تاۋەلسىز جۋرناليستتەردى ەرتىپ بارامىن. سۇرايمىن. ول كىسى بالاسىنا قازاق قىزدارىنىڭ سۇراۋى جوق دەپ ايتقان كىم؟ قانداي زاڭعا سۇيەنىپ قورعانسىز قىزعا كۇش كورسەتتى؟ زايىتوۆتان ەكسترەميست جاسا دەپ كىم بۇيىردى؟ وسىنشا قورلىققا ۇندەمەي وتىراتىن مال ەمەسپىز!!! ق.ك. توقاەۆ مىرزانىڭ ۋادە ەتكەن وزگەرىستەرى شىنىمەن باستالسا، پاگونىن پايدالانىپ، ويىنا كەلگەنىن ىستەيتىن پوليتسايلاردى جۇمىستان شىعارىپ، جاۋاپقا تارتۋىن تالاپ ەتەمىن. P.S. ءبىز - قويداي مومىن حالىق بولعانمەن قىزدارىنىڭ ارى مەن ۇلدارىنىڭ نامىسىن كىرپىك قاقپاي كۇزەتكەن قازاقپىز. جەتەر. 30 جىل كونىپ بولعانبىز", - دەپ جازدى رينات زايتوۆ ءوزىنىڭ فەيسبۋك پاراقشاسىندا.
"ادىرنا" ۇلتتىق پورتالى
