ءبيبىسارانىڭ قارسىلاسى سەرگەي كارياكين الەمدەگى ەڭ مىقتى گروسسمەيستەردىڭ ءبىرى. قازىرگى ۋاقىتتا ونىڭ قورجىنىندا 2 739 ۇپاي بار.
قوس مىقتىنىڭ قايشىلىققا تولى قىزىقتى دا مازمۇنى ويىنى تۋردىڭ ءسانىن كەلىستىرىپ، ءمانىن ارتتىردى. ءبيبىسارا بۇعان دەيىن سۇحباتتارىندا وسى تۋرنيردە سەرگەي كارياكين جانە تەيمۋر رادجابوۆپەن ويناعىسى كەلەتىنىن بىرنەشە رەت ايتقان. كارياكين ءوزىنىڭ جەڭىلگەنىن مويىنداپ، ءبيبىساراسىڭ بيىك بولمىسىنا باس ءيدى.
- مەن وتە جاقسى وينايتىن الەم چەمپيونىنان ۇتىلدىم، - دەدى كارياكين ويىننان كەيىن.
بۇل جارىستىڭ جۇلدە قورى 15 ميلليون رۋبل. قازىر مۇندا الەمدەگى ەڭ مىقتى شاحماتشىلار شەبەرلىك بايقاسىپ جاتىر. ولاردىڭ قاتارىندا ءبيبىسارا اساۋباەۆا، سەرگەي كارياكين، الەكساندر گريششۋك، تەيمۋر رادجابوۆ، راۋناكۋ سادۆاني، فرانسيسكو ۆالەحو، ۆلاديسلاۆ ارتەمەۆ، ەكاتەرينا لاگنو جانە باسقالارى بار.
شاحماتتىڭ بليتس تۇرىنەن جارىس 28 جانە 30 قاڭتار كۇندەرى وتەدى.
"ادىرنا" ۇلتتىق پورتالى
