Basty bet
Jańalyqtar
Qazaq qyzy Bıbisara Asaýbaeva tanymal Sergeı Karıakındi shahmattan shań qaptyrdy

Qazaq qyzy Bıbisara Asaýbaeva tanymal Sergeı Karıakındi shahmattan shań qaptyrdy

28.01.2023

3962

Reseı astanasy Máskeýde ótip jatqan "Shahmat juldyzdary" atty halyqaralyq týrnırde Bıbisara Asaýbaevadyń juldyzy jandy. Aqyl alamanynda oıy sergek, júrisi jyldam qazaq qyzy, blı shahmattan eki dúrkin álem chempıony Bıbisara Asaýbaeva rapıdte basty favorıt Sergeı Karıakındi jeńdi, dep habarlady Sportty damytý dırekııasynyń baspasóz qyzmeti. Muny "Adyrna" ulttyq portaly jazdy.

Bıbisaranyń qarsylasy Sergeı Karıakın álemdegi eń myqty grossmeısterdiń biri. Qazirgi ýaqytta onyń qorjynynda 2 739 upaı bar.

Qos myqtynyń qaıshylyqqa toly qyzyqty da mazmuny oıyny týrdyń sánin kelistirip, mánin arttyrdy. Bıbisara buǵan deıin suhbattarynda osy týrnırde Sergeı Karıakın jáne Teımýr Radjabovpen oınaǵysy keletinin birneshe ret aıtqan. Karıakın óziniń jeńilgenin moıyndap, Bıbisarasyń bıik bolmysyna bas ıdi.

- Men óte jaqsy oınaıtyn álem chempıonynan utyldym, - dedi Karıakın oıynnan keıin.

Bul jarystyń júlde qory 15 mıllıon rýbl. Qazir munda álemdegi eń myqty shahmatshylar sheberlik baıqasyp jatyr. Olardyń qatarynda Bıbisara Asaýbaeva, Sergeı Karıakın, Aleksandr Grıýk, Teımýr Radjabov, Raýnaký Sadvanı, Fransısko Valeho, Vladıslav Artemev, Ekaterına Lagno jáne basqalary bar.