ۋكراينالىق درون ماسكەۋدىڭ مۇناي وڭدەۋ زاۋىتىنا زاقىم كەلتىردى، دەپ حابارلايدى "ادىرنا" ۇلتتىق پورتالى.
ماسكەۋ مەرى سەرگەي ءسوبيانيننىڭ مالىمدەۋىنشە، ۋكراينالىق ۇشقىشسىز ۇشۋ اپپاراتى ماسكەۋ مۇناي وڭدەۋ زاۋىتى نىساندارىنىڭ بىرىنە زاقىم كەلتىرگەن.
ونىڭ ايتۋىنشا، سوڭعى تاۋلىك ىشىندە ماسكەۋگە بىرنەشە مارتە درون شابۋىلى جاسالعان. سونىڭ سالدارىنان مۇناي وڭدەۋ زاۋىتىنىڭ ءبىر نىسانى بۇلىنگەنىمەن، زارداپ شەككەندەر جوق. وقيعا ورنىندا توتەنشە جاعدايلار قىزمەتىنىڭ ماماندارى جۇمىس ىستەپ جاتىر. سونداي-اق ءسوبيانيننىڭ مالىمەتىنشە، اۋە شابۋىلىنا قارسى قورعانىس كۇشتەرى ءتۇن ىشىندە ماسكەۋگە باعىتتالعان 60 دروندى اتىپ تۇسىرگەن.
قاۋىپسىزدىك شارالارىنا بايلانىستى دومودەدوۆو، شەرەمەتەۆو جانە ۆنۋكوۆو اۋەجايلارىندا ۇشاقتاردى قابىلداۋ مەن ۇشىرۋعا ۋاقىتشا شەكتەۋلەر ەنگىزىلگەن.
رەسەي تاراپى مۇنداي شابۋىلدارعا جاۋاپ رەتىندە ۋكرايناداعى اسكەري نىساندار مەن قورعانىس-ونەركاسىپ كەشەنىنە تيەسىلى وبەكتىلەرگە جوعارى دالدىكتەگى قارۋ-جاراقپەن سوققى جاسايتىنىن مالىمدەدى.
