Belgılı aitysker aqyn Rinat Zaitov "Adyrna" ūlttyq portalynyŋ YouTube-arnasyna bergen sūhbatynda Mäjılıs sailauyna tüsetının habarlady.
"Zaŋ özgerıp jatyr. Mojaritarlyq özın-özı ūsynu jüiesı bar. Osy sailauda men öz-özımdı ūsynamyn. Qalǧanyn Qūdai körsetedı. Men "mınezı bar" adamdardan memlekettıŋ japa şekkenın körgen joqpyn. Kezınde stoldy ūryp tūryp söileitın deputattar da boldy. Amangeldı Aitaly, Qaratai Tūrysov syndy talai aǧalarymyz boldy. Jaryqtyq... Mysaly, olar emosionaldy adamdar. Mūhtar Şahanov deputat boldy. Ol da emosionaldy adam edı. Ol da aqyn edı. Bır närsenı jaqsy bılemın. Mıne, qazırgı (VII şaqyrylymda) otyrǧan deputattar bar ǧoi. 107 deputattyŋ özım tanityn 10-yn bylai alaiyn. Osylar jūmys ıstei alady. Qalǧan 97-nıŋ jūmysyn men tanityn 5-aq adam atqara alady. Qalǧanynyŋ ne üşın otyrǧanyn bılmeitın adamdar bar ışınde. Nege barmasqa?! Qalǧanynyŋ bärı syltau. Senı jolatqysy kelmeitın adamdardyŋ äŋgımesı. "Senıŋ mınezıŋ bylai ǧoi, sen Zaŋdy bılesıŋ be, sen bylai ıstei almai qalmaisyŋ ba?"dep. Betterıne aitamyn! Janaǧy 107-nıŋ 20-yn deiıkşı jaraidy. Men 87-nen artyq deputat bola alamyn. Özımdı bılemın", - deidı Rinat Zaitov."Saiasi bılımıŋız jetkılıktı me?" dep aitatyndar da bar...
"Aitsyn! Saiasi bılım degen ne ol? Ädıletsızdıktı köru üşın qanşalyqty bılım kerek?! Ötırık sailaudyŋ bolyp jatqanyn közıŋmen körıp tūruyŋ üşın qanşalyqty bılım kerek?! Köşede qazaqtyŋ teŋsızdık körıp jatqanyn, qyzy qorlanyp, ūly qamalyp jatqanyn köru üşın qanşalyqty saiasi sauat kerek? Osyǧan jauap berıŋızderşı maǧan... Būǧan saiasi sauat kerek joq. Būǧan mahabbat qana kerek. Otanǧa degen, özıŋnıŋ otandastaryna degen jäne erteŋgı keleşegıne degen senım kerek, aldyǧa qoiatyn maqsat kerek!", - deidı aitysker aqyn.https://youtu.be/pCVbnxcdepg
"Adyrna" ūlttyq portaly
Ūqsas jaŋalyqtar
