ءبىر مانداتتى وكرۋگ بويىنشا سايلاۋعا قاتىسساڭ قانشا كەتەدى؟ بۇل تۋرالى PR مامانى، جۋرناليست ەربول ازانبەك ەسەپتەپ، Facebook پاراقشاسىندا جازدى، دەپ حابارلايدى “ادىرنا” ۇلتتىق پورتالى.
ونىڭ ايتۋىنشا، ەسەپتەلگەن تسيفرلار شامامەن الىنعان.
ء“بىر مانداتتى وكرۋگ بويىنشا سايلاۋعا قاتىسساڭ قانشا كەتەدى دەگەندى شامامەن ەسەپتەپ كوردىك. تۇبەگەيلى قاتە بولۋى مۇمكىن. ويتكەنى ءار دەتالىنا ءۇڭىلىپ، تەرەڭ زەرتتەۋ جاسالمادى. شامامەن قانشا كەتەدى دەپ، ءجاي عانا ەسەپتەپ شىعا سالدىق. تسيفرلاردان قاتتى ادىلدىك ىزدەمەڭىز. شامامەن بىلاي بولدى. ىشىندە جۇرگەندەر تۇزەتە جاتار.
باعانى كەڭ مولىنان الدىق. تۋىستىڭ ۇيىنەن تاماق ىشە سالامىز عوي دەمەدىك. سونىمەن، 1 ملن 50 مىڭ تگ جارنا. دەپۋتات بولساڭىز نەمەسە 5% داۋىس جيناپ، وتە الماساڭىز قايتارىلادى. الماتى وبلىسىنان تۇسەتىن بولساڭىز 9 اۋدان، قوناەۆتى قوسقاناندا 10 دەلىك.
اشىق اقپارات جوق، الماتى وبلىسىنا 2 ماندات بەرىلگەن دەسەدى. 4 اۋدانعا بىردەن.
ءسىز كەگەن، رايىمبەك، ەڭبەكشىقازاق، تالعار اۋدانىنان تۇسەسىز دەلىك. كەگەندە 12, رايىمبەكتە 11, ەڭبەكشىقازاق 25, تالعار اۋدانىندا 10 اۋىل بار دەلىك. بارلىعى 58.ءبىر كۇندە 2 اۋىلدىڭ حالقىمەن كەزدەسۋىڭىز كەرەك. 29 كۇن، شامامەن 1 ايىڭىز كەزدەسۋگە كەتەدى. جاياۋ بارىپ، جالعىز كەزدەسپەيسىز. جانىڭىزدا كوماندا، يگى جاقسىلاردى ەرتۋىڭىز كەرەك. ەڭ قاشىعى رايىمبەك اۋدانىنداعى اۋىلدار الماتىدان 400-450 شاقىرىم. 10 مىڭ شاقىرىمداي جول ءجۇرۋىڭىز كەرەك. اي -92 باعاسى 172 تەڭگە، سىزگە كەرەگى 1 720 000 تگ ءبىر ماشينعا بەنزين. كەمى 3 ماشينامەن جۇرەسىز. 4 ملن بەنزينگە دەڭىز.
تاماق: 28 كۇنگە، 3 ۋاقىت، 10 ادامعا 2 520 000 تگ كەتەدى.
ەندى ەڭ نەگىزگىسى، كوماندا. ار سايلاۋ ۋچاسكەسىندە سەنىمدى وكىل – 58, ءار ۋچاسكەدە 2-دەن باقىلاۋشى. بارلىعى 174. تەگىن بولا ما، بىلمەيمىن. تولەۋ كەرەك بولسا، 100 مىڭنان ەسەپتەگەندە كەمى 17 ملن قالاماقىعا.
كەڭەسشىلەر، SMM-ءشى، موبيلوگراف – فوتوگراف، كوپيرايتەر، ءار اۋىلدا ەرىپ جۇرەتىن ادامدار ت.ب كەمى 10 ادام. 2 ايعا 10 000 000 تگ. باق، بلوگەرلەر ت.ب شىعىن 10 000 000 تگ.ءتۇرلى كورنەكىلىكتەر، فۋتبولكا، باننەر، قالام، مەسسەندجەرلەر، الەۋمەتتىك جەلى ارقىلى تاراتاتىن اۋديو، ۆيدەوروليكتەر، ماتىندىك حابارلامالار، تارگەت، ستسەناري بويىنشا باتا بەرەتىن شالدارعا شاپان، اپاڭا كامزول – 5 ملن تگ.
بارلىعى: 49 570 000 تگ”،- دەپ جازدى ەربول ازانبەك.
سونداي-اق، ول وسىنشا اقشاعا قانداي تاجىريبە كەرەك دەگەن ساۋال قويدى.
ء“وتىپ كەتسەڭ مۇنىڭ قايتارىمى نە بولادى؟ ايلىق: ورتاشا 700 مىڭ دەلىك. 5 جىلدا بار ايلىعىڭىز 42 000 000 تگ. سوسىن وتە مول تاجىريبە، جوعارى دەڭگەيدەگى تانىستىق، تانىمالدىلىق، كەيىن مانساپتىق ءوسۋ مۇمكىندىگى. سوسىن وڭباعاندار، تۇك بىتىرمەيدى دەمەۋ ءۇشىن ازداپ پوپۋليستىك تاجىريبە. قالجىڭ.
ال وتپەسەڭ. جان-جاققا سۇراۋ سالىپ كورگەنبىز. ءبىر وبلىستا وتەتىن 2 ادامنىڭ اتى-ءجونى بار، ناقتى نۇسقاۋلىق بار، ال ءجاي ناۋقاندى قىزدىرامىن، جاقسى تاجىريبە جينايمىن دەسەڭدەر، ۋەلكوم دەدى. 49 ملن.عا تاجىريبە كەرەك پە؟”،- دەدى ول.
