«قازاق گازەتتەرى» مەن «ەگەمەن قازاقستان» بىرىكتىرىلىپ، بىرقاتار كادرلىق وزگەرىستەر بولدى. بۇل تۋرالى الماتىعا جۇمىس ساپارىمەن كەلگەن قر اقپارات جانە قوعامدىق دامۋ ءمينيسترى دارحان قىدىرالى ءمالىم ەتتى، دەپ جازادى "ادىرنا" ۇلتتىق پورتالى.
«قازاق گازەتتەرى» مەن «ەگەمەن قازاقستان» جشس-نىڭ بىرىگۋ جۇمىستارى ءساتتى اياقتالدى. سوندىقتان «قازاق گازەتتەرى» دەپ اتالاتىن قۇرىلىم ءوز دامۋىنىڭ جاڭا كەزەڭىنە اياق باستى دەپ ايتا الامىز. جاڭا قۇرىلىم جاڭا عيماراتتا جۇمىسىن باستادى. ۇجىم قىزمەتكەرلەرىنىڭ جالاقىسى، قالاماقى جانە سىياقى ءوستى. الدا دا اتقارىلاتىن جۇمىس كوپ، - دەپ جازدى مينيستر.
ءمينيستردىڭ حابارلاۋىنشا، ەندى «ەگەمەن قازاقستان»، «كازاحستانسكايا پراۆدا»، «انا ءتىلى»، «اقيقات»، «مىسل»، «تەڭگە مونيتور»، «ۇيعىر اۆازي»، «ۇركەر»، «اقجەلكەن»، «بالدىرعان»، «ۇلان»، «درۋجنىە رەبياتا» باسىلىمدارى ءبىر شاڭىراقتىڭ استىندا قىزمەت ىستەيدى. بۇل – ورتاق اقپاراتتىق قىزمەت.
"ەكى ۇجىمنىڭ بىرىگۋىنە وراي "قازاق گازەتتەرىنىڭ" باس ديرەكتورى بولىپ اكادەميك ديحان قامزابەكۇلى تاعايىندالدى. سونداي-اق بەلگىلى جۋرناليست دۋمان اناش «قازاق گازەتتەرى" باس ديرەكتوردىڭ ورىنباسارى – الماتى فيليالىنىڭ باسشىسى، ەرلان ءجۇنىس "انا ءتىلى" گازەتىنىڭ باس رەداكتورى جانە اسىل ساعىمبەكوۆ «مىسل» جۋرنالىنىڭ باس رەداكتورى بولىپ تاعايىندالدى. ارىپتەستەرىمىزدى جاڭا قىزمەتىمەن قۇتتىقتايمىن!", - دەدى دارحان قىدىرالى.
"ادىرنا" ۇلتتىق پورتالى
