«Qazaq gazetteri» men «Egemen Qazaqstan» biriktirilip, birqatar kadrlyq ózgerister boldy. Bul týraly Almatyǵa jumys saparymen kelgen QR Aqparat jáne qoǵamdyq damý mınıstri Darhan Qydyráli málim etti, dep jazady "Adyrna" ulttyq portaly.
«Qazaq gazetteri» men «Egemen Qazaqstan» JShS-nyń birigý jumystary sátti aıaqtaldy. Sondyqtan «Qazaq gazetteri» dep atalatyn qurylym óz damýynyń jańa kezeńine aıaq basty dep aıta alamyz. Jańa qurylym jańa ǵımaratta jumysyn bastady. Ujym qyzmetkerleriniń jalaqysy, qalamaqy jáne syıaqy ósti. Alda da atqarylatyn jumys kóp, - dep jazdy mınıstr.
Mınıstrdiń habarlaýynsha, endi «Egemen Qazaqstan», «Kazahstanskaıa pravda», «Ana tili», «Aqıqat», «Mysl», «Teńge monıtor», «Uıǵyr avazı», «Úrker», «Aqjelken», «Baldyrǵan», «Ulan», «Drýjnye rebıata» basylymdary bir shańyraqtyń astynda qyzmet isteıdi. Bul – ortaq aqparattyq qyzmet.
"Eki ujymnyń birigýine oraı "Qazaq gazetteriniń" Bas dırektory bolyp akademık Dıhan Qamzabekuly taǵaıyndaldy. Sondaı-aq belgili jýrnalıst Dýman Anash «Qazaq gazetteri" bas dırektordyń orynbasary – Almaty fılıalynyń basshysy, Erlan Júnis "Ana tili" gazetiniń bas redaktory jáne Asyl Saǵymbekov «Mysl» jýrnalynyń bas redaktory bolyp taǵaıyndaldy. Áriptesterimizdi jańa qyzmetimen quttyqtaımyn!", - dedi Darhan Qydyráli.
"Adyrna" ulttyq portaly
