اسكەردە وزىنە قول جۇمساعان ساربازدىڭ ءىش كيىمىنەن باسقا ادامداردىڭ بيوماتەريالدارى تابىلدى

2925
Adyrna.kz Telegram

اسكەردە وزىنە قول جۇمساعان ساربازدىڭ ءىش كيىمىنەن باسقا ادامداردىڭ بيوماتەريالدارى تابىلدى، دەپ جازادى “ادىرنا” ۇلتتىق پورتالى.

ZTB حابارلاۋىنشا، 2022 جىلى 19-تامىزدا جامبىل وبلىسىنداعى شەكارا بولىمىندە بورىشىن وتەپ جۇرگەن اتىراۋلىق 18 جاستاعى بەكبول ميراش ءوز-وزىنە قول جۇمساعان. ءىستىڭ ءمان-جايىن انىقتاۋ بارىسىندا، بيولوگيالىق ساراپتاما ناتيجەسى جىگىتتىڭ اۋىز قۋىسى مەن ءىش كيىمىنەن بىرنەشە ادامنىڭ بيوماتەريالدارىنىڭ (شاۋەت) ءىزى تابىلعانىن انىقتادى. بۇل تۋرالى مارقۇمنىڭ ىسىمەن اينالىسىپ جۇرگەن ادۆوكات سەرجان پراليەۆ ايتتى.

«مەن بۇل مالىمدەمەنى جاساۋعا ءماجبۇرمىن. سەبەبى تەرگەۋدە قىسىم بار جانە كوپ نارسە ەسكەرىلمەيدى. سوندىقتان بۇل جاعدايعا قوعامنىڭ نازارىن اۋدارتپاساق بولمايدى. ءتيىستى ادامدار جىگىتتىڭ ولىمىنە ناعىز كىنالىلەردى تەكسەرگىسى كەلمەيدى. باستاپقىدا ميراش قىزىمەن ۇرىسىپ وزىنە قول جۇمساعانىن العا تارتتى. الايدا بۇل راستالعان جوق، سەبەبى ونىڭ ءسوز بايلاسقان قىزى بۇقارالىق اقپارات قۇرالدارى ارقىلى سۇحبات بەرىپ، ونىمەن ارالارى دۇرىس ەكەنىن ايتتى. ارتىنشا ءبولىم كومانديرىنىڭ كۇش كورسەتكەنى ءمالىم بولدى»،- دەدى پراليەۆ.

وسىلايشا ادۆوكات ميراشتىڭ ولىمىندە زورلىق ارەكەتى سيپاتتالعانىن العا تارتىپ وتىر. ال تەرگەۋ ءىسى وسى دەرەكتى نازارعا الماي، ءىستى «لاۋازىمىن اسىرا پايدالانعان» دەگەن باپپەن جالعاستىرماقشى ەكەن.

ايتا كەتەيىك، وسىعان دەيىن قايتىس بولعان جىگىتتىڭ وتباسى ونىڭ ءولىمىنىڭ رەسمي دەرەكتەرىنە سەنبەي، ءادىل تەرگەۋدى تالاپ ەتكەن بولاتىن. ال ۇلتتىق قاۋىپسىزدىك كوميتەتى ازىرگە بۇل ىسكە قاتىستى رەسمي مالىمدەمە جاساعان جوق.

"ادىرنا" ۇلتتىق پورتالى 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket