ء"ماجىلىس دەپۋتاتى بولامىن" دەپ سايلاۋعا تۇسكەلى جاتقان ءدىنتانۋشى تۇراربەك قۇسايىن يسلامتانۋشى التىنبەك اجوكۇلى "مەشىتكە رۋحاني ازىق ىزدەپ كەلگەن تالاي قىز-كەلىنشەكتەردى الداپ، پايدالانعان". بۇل پىكىردى ءوزىنىڭ ينستاگرام پاراقشاسىندا جازدى، دەپ حابارلايدى "ادىرنا" ۇلتتىق پورتالى.
"ەلىمىزدە اسىل ءدىنىمىز يسلامعا قارسى جۇيەلى تۇردە اقپاراتتىق سوعىس بولىپ جاتىر. ارداقتى پايعامبارىمىزعا ءتىل تيگىزىپ، جالا جابۋشىلار وزدەرىن ءتاڭىرشىلمىز دەگەن ۇيىمداسقان توپ ەكەنىن دە ءبارىمىز جاقسى بىلەمىز. وسى اداسقان توپتىڭ باسى-قاسىندا جۇرگەن تۇراربەك قۇسايىندى مەن 2000-شى جىلداردان بەرى جاقسى تانيمىن. كەزىندە اتىراۋدا مەدرەسەدە بىرگە وقىعانبىز،سودان تۇراربەك كەي جىلدارى قۇسپان مولدا جانە يمانعالي مەشىتىندە كەزەكشى يمام قىزمەتىن اتقاردى. يمام-مولدا بولىپ جۇرگەندە ءناپسىسىن تيا الماي، مەشىتكە رۋحاني ازىق ىزدەپ كەلەتىن قىز-كەلىنشەكتەردى الداپ از عانا مەرزىمگە نەكە قيىپ، پايدالانعانىن دا تالاي رەت ەستىدىم. ەستىگەن قۇلاقتا جازىق جوق دەگەندەي بۇنداي زيناقور ادامنىڭ قانشاما ءدىني سەكتا-ۇيىمداردىڭ ىشىندە بولىپ، ەڭ سوڭىندا مۇسىلمانداردىڭ قارا شاڭىراعى مۇفتياتقا شۇيلىگۋىن ساتقىندىق پەن وپاسىزدىق دەپ ەسەپتەيمىن. الەۋمەتتىك جەلىدە تۇراربەك قۇسايىن الداعى ءماجىلىس سايلاۋىنا ءوزىن دەپۋتاتتىققا ۇمىتكەر رەتىندە تىركەلەتىنىن ايتىپتى. مەن ءوز باسىم بۇنداي ارسىز-اداسقان ءتاڭىرشىنىڭ بيلىككە كەلۋىنە ءۇزىلدى-كەسىلدى قارسىمىن",- دەپ جازدى التىنبەك اجوكۇلى.
"ادىرنا" ۇلتتىق پورتالى
