"Májilis depýtaty bolamyn" dep saılaýǵa túskeli jatqan dintanýshy Turarbek Qusaıyn ıslamtanýshy Altynbek Ajokuly "meshitke rýhanı azyq izdep kelgen talaı qyz-kelinshekterdi aldap, paıdalanǵan". Bul pikirdi óziniń ınstagram paraqshasynda jazdy, dep habarlaıdy "Adyrna" ulttyq portaly.
"Elimizde asyl dinimiz Islamǵa qarsy júıeli túrde aqparattyq soǵys bolyp jatyr. Ardaqty paıǵambarymyzǵa til tıgizip, jala jabýshylar ózderin táńirshilmiz degen uıymdasqan top ekenin de bárimiz jaqsy bilemiz. Osy adasqan toptyń basy-qasynda júrgen Turarbek Qusaıyndy men 2000-shy jyldardan beri jaqsy tanımyn. Kezinde Atyraýda medresede birge oqyǵanbyz,sodan Turarbek keı jyldary Quspan molda jáne Imanǵalı meshitinde kezekshi ımam qyzmetin atqardy. Imam-molda bolyp júrgende nápsisin tııa almaı, meshitke rýhanı azyq izdep keletin qyz-kelinshekterdi aldap az ǵana merzimge neke qıyp, paıdalanǵanyn da talaı ret estidim. Estigen qulaqta jazyq joq degendeı bundaı zınaqor adamnyń qanshama dinı sekta-uıymdardyń ishinde bolyp, eń sońynda musylmandardyń qara shańyraǵy múftııatqa shúıligýin satqyndyq pen opasyzdyq dep esepteımin. Áleýmettik jelide Turarbek Qusaıyn aldaǵy májilis saılaýyna ózin depýtattyqqa úmitker retinde tirkeletinin aıtypty. Men óz basym bundaı arsyz-adasqan táńirshiniń bılikke kelýine úzildi-kesildi qarsymyn",- dep jazdy Altynbek Ajokuly.
"Adyrna" ulttyq portaly
