سىرتقى ىستەر مينيسترلىگى ۋكرايناداعى سوعىسقا قازاقستان ازاماتتارى قاتىسقانى تۋرالى قۇزىرلى ورگانداردان ەشقانداي اقپارات العان جوق. بۇل تۋرالى ءسىم رەسمي وكىلى ايبەك سمادياروۆ مالىمدەدى، دەپ حابارلايدى “ادىرنا” ۇلتتىق پورتالى.
"ۋكراينانىڭ قۇزىرلى ورگاندارىنان قازاقستان ازاماتتارىنىڭ ۋكراينا اۋماعىنداعى قارۋلى قاقتىعىسقا قاتىسقانى نەمەسە ۇستالعانى تۋرالى ەشقانداي اقپارات العان جوقپىز. سونىمەن بىرگە، وزدەرىڭىز بىلەتىندەي، مۇنداي ارەكەتتەر قازاقستان رەسپۋبليكاسىنىڭ زاڭناماسىنا سايكەس قىلمىستىق جاۋاپكەرشىلىككە تارتىلادى", - دەدى مينيسترلىك وكىلى.
ەسكە سالايىق، بۇعان دەيىن الەۋمەتتىك جەلىدە ءوزىن قازاقپىن دەپ تانىستىرعان ازاماتتى ۋكراينالىق اسكەريلەردىڭ ۇستاپ العانى تۇسىرىلگەن ۆيدەو پايدا بولعان ەدى. الايدا بۇل جولى ۆيدەوداعى تۇتقىننىڭ قازاقستاندىق ەكەنىنە ەشقانداي دالەل كورسەتىلمەگەن.
