2025 جىلعى 6 اقپاندا قازاقستاننىڭ ۋكرايناداعى ەلشىلىگى تاراس شەۆچەنكو اتىنداعى ۇلتتىق مۋزەيىنىڭ قولداۋىمەن تانىمال قازاقستاندىق سۋرەتشىلەرىنىڭ سۋرەت كورمەسىن ۇيىمداستىردى. كورمە “ۋاقىتتى ءتۇسىنۋ” دەپ اتالادى.
وندا راۆيل ابدۋلوۆ، ساليحيدين ايتباەۆ، يۋري ەۆسەەۆ، مولداعۇل نارىمبەتوۆ، سەمبىعالي سماعۇلوۆ جانە توقبولات توعىزباەۆتىڭ جۇمىستارى قويىلدى. بەلگىلى قازاقستاندىق-ۋكراينالىق عالىم، قازاقستان ونەر اكادەمياسىنىڭ مۇشەسى - رۇستەم جانعوجانىڭ جەكە توپتاماسىنان الىنعان سۋرەتتەر.
كورمەنىڭ رەسمي اشىلۋىنا ۋكراينانىڭ جوعارعى راداسىنىڭ دەپۋتاتتارى، ديپلوماتيالىق كورپۋستىڭ، مادەني، عىلىمي جانە ىسكەر توپ وكىلدەرى قاتىستى.
ت. شەۆچەنكو اتىنداعى كيەۆ ۇلتتىق ۋنيۆەرسيتەتىنىڭ رەكتورى ۆلاديمير بۋگروۆ ءوز سوزىندە ەلدەرىمىز اراسىنداعى تاريحي بايلانىستاردى ساقتاۋدىڭ ماڭىزدىلىعىن اتاپ ءوتتى. كورمە 2025 جىلعى 16 اقپانعا دەيىن جالعاسادى.
