رەسەيلىكتەر ۋكراينادان بالالاردى ۇرلاپ، ولاردى ساتۋدا. بۇل تۋرالى تيكتوك جەلىسىنىڭ بەلسەندىسى ايتتى، دەپ حابارلايدى “ادىرنا” ۇلتتىق پورتالى.
ونىڭ ايتۋىنشا، ولح-تە بالالاردى “ويىنشىق” دەپ كورسەتىپ ساتىپ جاتىر ەكەن.
“ولح-تە بالالاردى ساتۋدا. ولاردىڭ ساتۋ سحەماسى بولەك. ولار بالالاردى ويىنشىقتار سياقتى ساتادى. ولار ويىنشىقتاردىڭ سۋرەتىن جۇكتەيدى، سوسىن باعاسىن كورسەتەدى. ەگەر ب/ۋ دەپ تۇرسا، بالا زورلانعان. ال جاڭا دەپ تۇرسا، ءالى بالاعا تيىسپەگەن”،- دەدى ۆيدەودا.
بۇل تۋرالى ۋكراينالىق delo.ua پورتالى دا رەسەيلىكتەردىڭ ۋكراينادان بالالاردى ۇرلاپ، سەكسۋالدىق سيپاتتاعى بەينەروليكتەر تۇسىرەتىنىن جازعان. قىلمىسكەرلەر وسىنداي ماتەريالداردى جاساۋ ارقىلى اقشا تابادى. بۇل اقپاراتتىڭ ۋكرايناداعى جوعارعى رادانىڭ ادام قۇقىقتارى جونىندەگى كوميسسارى دميتري لۋبينەتس مالىمدەدى.
«باعالار جۇزدەگەن مىڭ ءرۋبلدى قۇرايدى. مىسالى، «جاقىندا مەكتەپكە باراتىن» بالاعا 250 000 رۋبل ۇسىنىلادى. ولار بالالاردىڭ ۋكراينادان ەكەنىن جانە ولاردىڭ تۋىستارى جوق ەكەنىن كورسەتەدى»، - دەلىنگەن جولدانعان حابارلامالاردا.
فوتو: delo.ua
ول كيبەرپوليتسياعا، ۇلتتىق پوليتسياعا جانە باس پروكۋراتۋراعا كىنالىلەردى تاۋىپ، جازالاۋ جانە زارداپ شەككەن بالالاردى ۇيلەرىنە قايتارۋ ءۇشىن ءتيىستى شارالار قابىلداۋعا شاقىردى.
"ەموتسيالاردىڭ بارلىق اۋقىمىن سوزبەن ايتىپ جەتكىزۋ مۇمكىن ەمەس. رەسەي فەدەراتسياسى ءبىزدىڭ بالالارىمىزدى جاسىرىن تۇردە ۇرلاپ، ءولتىرىپ، جەر اۋدارىپ، زورلاپ جاتىر. قازىرگى الەمدە بۇل قالاي بولۋى مۇمكىن؟!", - دەپ اتاپ ءوتتى ليۋبينەتس.
بۇعان دەيىن رەسەي ۋكرايناعا ورالعىسى كەلەتىن ەلدەن قۋىلعان بالالاردىڭ بارىن مويىنداعان بولاتىن. جەلتوقسان ايىندا ليۋبينەتس ونىڭ كەڭسەسى 12 000-نان استام ۋكرايندىق بالانىڭ رەسەيدە بولۋىن تەكسەرىپ قويعانىن، ونىڭ 8 600-گە جۋىعى كۇشتەپ اكەلىنگەنىن حابارلادى.
ۋكراينا پرەزيدەنتتىڭ بالا قۇقىقتارى جانە بالالاردى وڭالتۋ جونىندەگى كەڭەسشىسى داريا گەراسيمچۋك رەسەيگە دەپورتاتسيالانعان نەمەسە كۇشتەپ قونىس اۋدارعاندار تىزىمىندە 10,5 مىڭنان استام ۋكراين بالاسى بار ەكەنىن مالىمدەدى.
