الماتىدا تۇندە بەلگىسىز ءۇش ەركەك جاس جىگىتتى زورلاپ كەتكەن. بۇل تۋرالى NeMolchiKZ سەنىم تەلەفونىنا جابىرلەنۋشىنىڭ ءوزى ءمالىم ەتكەن، دەپ حابارلايدى "ادىرنا" ۇلتتىق پورتالى Caravan.kz مەديا پورتالىنا سىلتەمە جاساپ.
«ءبىزدىڭ تاجىريبەمىزدە بۇل ءتورتىنشى وقيعا. ونىڭ ەكەۋى اسا قاتىگەزدىكپەن جاسالعان بولاتىن. بۇل توپپەن بولعان ءۇشىنشى قىلمىس. جاس جىگىت زورلانعاننان كەيىن بىردەن سەنىم تەلەفونىنا جازعان، ول مۇنداي جاعداqدا نە ىستەۋ كەرەكتىگى تۋرالى كەڭەس پەن قولداۋ الۋدى كوزدەپتى. قازىر تەرگەۋ امالدارى ءجۇرىپ جاتىر، ءبىز سول ءتۇنى ءىس جۇزىندە ۇيىقتامادىق. بىراق تاڭعا قاراي جاس جىگىتتىڭ قىلمىسكەرلەردى جازالاۋ نيەتى انىق بولعانىنا قۋانىشتىمىن.
جاعداي ءالى تولىق انىقتالعان جوق، بىراق ءبىر نارسە بەلگىلى، بۇل جىگىتكە تاپسىرىس تۇسكەن. «ءداستۇرلى ەمەس سەكسۋالدىق باعىتتاعى ادامدارعا قارسى وشپەندىلىك قىلمىسى بولۋى مۇمكىن. مۇمكىن، بىرەۋگە ول گەي بولىپ كورىنگەن جانە ودان كەك الماق بولعان شىعار. نەلىكتەن بۇل تاپسىرىس دەپ ويلايمىز، ويتكەنى زورلاعاندار ۇنەمى بىرەۋگە تەلەفون سوعىپ، نە بولىپ جاتقانىن حابارلاپ وتىرعان.
جاس جىگىت قارسىلىق كورسەتۋگە تىرىسقان. ارادا توبەلەس بولعان. بىراق ۇشەۋى جابىلىg ارام ويلارىن ىسكە اسىرعان. جابىرلەنۋشىنىڭ ايتۋىنشا، الدىن الا جوسپارلانعان قىلمىسقا قاتىسۋشىلاردىڭ ءبىرى ونى ۇيىنە الاياقتىقپەن شاقىرعان، بۇل بەيتانىس جىگىت ءوزىن جاندوس دەپ تانىستىرىپتى. بىراق سول جەرگە تاعى ەكى بەلگىسىز ادام كەلىپ، بىردەن كۇش كورسەتىپ قورقىتىپ، 500 000 تەڭگە تالاپ ەتىپ، توبەلەس باستالعان. سوڭى قالاي اياقتالعانى بەلگىلى»،- دەپ جازدى NeMolchiKZ.
"ادىرنا" ۇلتتىق پورتالى
