«گولوس. دەتي» بايقاۋىندا ەرەكشە كوزگە تۇسكەن قازاقستاندىق جاس ءانشى ەرجان ماكسيم تاعى الەمدىك بايقاۋدىڭ باس جۇلدەسىن جەڭىپ الدى. بۇل تۋرالى ول Instagram پاراقشاسىندا جاريالادى، دەپ حابارلايدى ”ادىرنا” ۇلتتىق پورتالى..
بۇل بايقاۋعا الەمنىڭ 16 ەلىنەن 32 بالا قاتىسقان.
“ال قازاق ەلى، جەڭىس قۇتتى بولسىن! ەڭ اۋەلى اللاعا شۇكىرشىلىك ايتامىن جانە بار دۇعا-تىلەگىن جاۋدىرىپ جاتقان ەلىمە ەرەكشە العىسىمدى بىلدىرەمىن. مەن WAF AWARDS پرەمياسىنا جانە WAF CONTEST بايقاۋىنا قاتىسىپ، گران-ءپريدى جەڭىپ الدىم.
وسى WAF AWARDS جۇلدەسىنە الەمنىڭ تۇكپىر تۇكپىرىنەن 12 بالا تاڭدالىپتى. سونىڭ ىشىندە مەن دە شاقىرتۋ الدىم. جارىسقا 16 ەلدەن 32 بالا كەلىپتى. العاشىندا «بايقاۋعا قاتىسامىن» دەپ ويلاعان جوقپىن.
وسى جەڭىسىمدى بارشا قازاق ەلىنە ارنايمىن جانە كوك تۋىمىز كوكتە، الەمدە جەلبىرەي بەرسىن. ەلىمىز امان، جۇرتىمىز تىنىش بوپ، جەڭىستەرگە، بيىكتەرگە كوتەرىلە بەرەيىك”، - دەپ جازدى ەرجان ماكسيم.
