«Golos. Detı» baıqaýynda erekshe kózge túsken qazaqstandyq jas ánshi Erjan Maksım taǵy álemdik baıqaýdyń bas júldesin jeńip aldy. Bul týraly ol Instagram paraqshasynda jarııalady, dep habarlaıdy ”Adyrna” ulttyq portaly..
Bul baıqaýǵa álemniń 16 elinen 32 bala qatysqan.
“Al qazaq eli, jeńis qutty bolsyn! Eń áýeli Allaǵa shúkirshilik aıtamyn jáne bar duǵa-tilegin jaýdyryp jatqan elime erekshe alǵysymdy bildiremin. Men WAF AWARDS premııasyna jáne WAF CONTEST baıqaýyna qatysyp, Gran-prıdi jeńip aldym.
Osy WAF AWARDS júldesine álemniń túkpir túkpirinen 12 bala tańdalypty. Sonyń ishinde men de shaqyrtý aldym. Jarysqa 16 elden 32 bala kelipti. Alǵashynda «baıqaýǵa qatysamyn» dep oılaǵan joqpyn.
Osy jeńisimdi barsha qazaq eline arnaımyn jáne kók týymyz kókte, álemde jelbireı bersin. Elimiz aman, jurtymyz tynysh bop, jeńisterge, bıikterge kóterile bereıik”, - dep jazdy Erjan Maksım.
