Miami Open تۋرنيرىندە قازاقستاندىق ارۋ زارينا دياس «ۇلكەن دۋلىعا» ءتۋرنيرىنىڭ جەتى دۇركىن چەمپيونى جانە اقش-تىڭ ءتورت دۇركىن وليمپيادا چەمپيونى ۆينۋس ۋيليامستى جەڭدى، - دەپ حابارلايدى "ادىرنا" ۇلتتىق پورتالى. بۇل تۋرالى قازاقستاننىڭ تەننيس فەدەراتسياسى مالىمدەدى.
زارينا ەكى سەت بويى باسىمىراق بولدى - 6: 2, 7: 6 (12:10). وعان جەڭىسكە جەتۋ ءۇشىن 1 ساعات 30 مينۋت ۋاقىت كەتتى. 27 جاستاعى زارينا ويىن كەزىندە ءبىر رەت قاتەلىك جىبەرىپ، التى برەيك-پونتتىڭ بەس ۇپايىن وزگەرتتى. ال 40 جاستاعى ۆينۋس بەس رەت ءوز ۇپايىن جەلگە ۇشىردى. ەكى رەتتىك قاتەلىكتەن ەكى مارتە جاڭىلعانىمەن قارسىلاسىنىڭ ءۇش دوبىن قايتارا الدى. بۇل سپورتشىلاردىڭ ەكىنشى رەت بەتپە-بەت كەزدەسۋى بولدى. 2015 جىلى تسينتسينناتيدەگى تۋرنيردە قازاقستاندىق، ءبىرىنشى اينالىمدا ۋيليامستان 6: 7 (6: 8), 4: 6 ەسەبىمەن جەڭىلىپ قالعان ەدى. ەندى جەكە كەزدەسۋلەردەگى ەسەپ بويىنشا 1: 1 بولدى.
«مەن بۇگىنگى جەڭىسىمە وتە قۋانىشتىمىن، بىراق بۇل قيىنعا سوقتى. مەن ۆينۋسقا كىشكەنتاي كەزىمنەن تامسانىپ ءوستىم. ول اڭىزعا اينالعان تەننيسشى! سوندىقتان مەن ءۇشىن بۇگىنگى جەڭىس شىنىمەن ەرەكشە. مەن تاي-برەيكتى ويناپ شىققانىما قۋانىشتىمىن. بۇعان قانشا ەڭبەك پەن كۇش كەتتى، دەگەنمەن مەن جەتىستىككە جەتكەنىمە قۋانىشتىمىن »، - دەدى ءبىزدىڭ تەننيسشى ويىن سوڭىندا.
كەلەسى اينالىمدا زارينا الەمنىڭ 12-راكەتكاسى شۆەيتساريالىق بەليندا بەنچيچپەن كەزدەسەدى.
"ادىرنا" ۇلتتىق پورتالى
