قازاقستاندىق فايتەر ءالىبي ىدىرىس (10-1) UFC-دەگى العاشقى جەكپە-جەگىن وتكىزدى. بۇل تۋرالى Sports.kz سايتى جازدى، دەپ حابارلايدى “ادىرنا”.
ءالىبي ىدىرىس UFC-دەگى دەبيۋتتىك جەكپە-جەگىنە اقش-تىڭ تەحاس شتاتىنداعى حيۋستون قالاسىندا وتكەن Fight Night 267 تۋرنيرىندە شىعىپ، امەريكالىق ودي وسبورنمەن (13-9) كەزدەستى. ەڭ جەڭىل سالماقتا وتكەن جەكپە-جەك ءۇش راۋندقا سوزىلىپ، تورەشىلەردىڭ ءبىراۋىزدان شىعارعان شەشىمىمەن ءا.ىدىرىس جەڭىسكە جەتتى.
وسىلايشا قازاقستاندىق سپورتشى كاسىبي مانسابىنداعى ون ءبىرىنشى جەڭىسىن تىركەپ، UFC-دە العاشقى قادامىن ءساتتى جاسادى. ونىڭ قارسىلاسى ودي وسبورن كاسىبي مما-داعى ونىنشى جەڭىلىسىنە ۇشىرادى.
ەسكە سالساق، بۇعان دەيىنگى جەكپە-جەگىندە ىدىرىس تا UFC تۋرنيرىندە ونەر كورسەتكەن، الايدا ول كەزدە جەكپە-جەكتە تەك پروموۋشەنمەن كەلىسىمشارت ۇتىسقا تىگىلگەن بولاتىن. كەيىن ءالىبي UFC-مەن ءتورت جەكپە-جەككە كەلىسىمشارتقا قول قويدى.
