الماتىدا ARO لاقاپ اتىمەن تانىمال ءانشى قاماۋعا الىندى، دەپ حابارلايدى “ادىرنا” ۇلتتىق پورتالى.
قۇزىرلى ورگاننىڭ مالىمەتىنشە، وقيعا 2 جەلتوقسان كۇنى كەشكە بولعان. پاترۋلدىك پوليتسيا قىزمەتكەرلەرى شالياپين كوشەسىندە "تويوتا" كولىگىن توقتاتىپ، جۇرگىزۋشىنىڭ ەسىرتكىلىك ماس كۇيىندە بولعانىن انىقتاعان.
تەرگەۋ بارىسىندا كولىكتىڭ يەسى ءانشى ARO ەكەنى بەلگىلى بولدى. ءوز كولىگىن اعاسىنا جۇرگىزۋگە بەرگەن.
سوتتا ءىس كولىك يەسىنە قاتىستى “باسقارۋدى ماس كۇيىندەگى ادامعا بەرۋ” بابى، ال جۇرگىزۋشى، ءانشىنىڭ اعاسىنا قاتىستى “كولىك قۇرالىن ماس كۇيىندە باسقارۋ” بابى بويىنشا قارالعان.
سوت ەكى ايىپتالۋشىنى دا اكىمشىلىك قاماۋعا الۋ تۋرالى شەشىم قابىلدادى. ءانشى ارمان سەيىتجاپپار 15 تاۋلىككە قاماۋعا الىندى.
ودان بولەك، 7 جىلعا كولىك جۇرگىزە المايدى.
