المازدىڭ ۇلكەنىن قويا تۇرىڭىز، ەكى ساۋساقتىڭ اراسىنداعى تيەر-تيمەس ارالىققا سياتىن ءبىر تۇيىرشىك المازدىڭ ءوزىنىڭ باعاسى 8 ميلليون 823 مىڭ 300 تەڭگە.
اۋعانستانداعى كوشپەلى وزبەكتەن شىققان، تۇرىكپەندەردىڭ جيەنى بولعان گەنەرال ءابدىلراشيت دوستىم تاليباندارمەن سوعىس كەزىندە قارۋ-جاراقتىڭ تاپشىلىعىنان قاتتى قينالادى. ونىڭ ۇستىنە ونىڭ ىقپالى ءجۇرىپ تۇرعان، حالقى وزبەك، تۇرىكپەن تەكتەس تۇركى حالىقتارىن نەگىز ەتكەن بالىق، قۇندىز، جازجان، فاراب ايماقتارى ساياسي تۇرعىدا "دوستىمستان" دەپ اتالىپ كەتتى. مازار-ءشارىپ قالاسىن ورتالىق ەتتى. دوستىمستاندى ساياساتكەرلەر "كىشى وزبەكستان" دەپ باعالادى. وزبەكستانمەن كورشىلەس جاتقان بۇل جاڭا ۇلتتىق اۋماقتىڭ داڭقى مەن داقپىرتىنان، ءابدىلراشيتتىڭ ەرلىگىنىڭ، تازالىعىنىڭ بارشا وزبەكتەردىڭ جۇرەگىنەن ورىن تاۋىپ، بۇكىل وزبەكستان حالقى ونى قولداپ كەتسە، "بيلىگىمنەن ايىرىلىپ قالامىن" دەپ قورىققان يسلام كارىموۆ اۋعانستانمەن اراداعى شەكارانى جاۋىپ تاستادى. وزبەكستان ارقىلى كەلەتىن كەيبىر جانارماي تۇرلەرى جىبەرىلمەي، تاليبانداردىڭ سوققىسى دا ءۇستى-ۇستىنە ءۇيىلىپ، ء"وزىمنىڭ وزبەگىمنەن جاقسىلىق كورەم، كومەك الامىن" دەپ ويلاعان ءابدىلراشيتتىڭ ءۇمىتى كەسىلىپ، امالسىز نەگىزگى كۇشىن تاجىكستان شەكاراسىنا قاراي اۋىستىرعان. وسى ءبىر كەزەڭدەر وعان اۋىر كۇندەر بولدى، قاي-قاي جاعىنان دا تىعىرىققا تىرەلىپ قاتتى قينالدى... سول كەزدە تاجىكستان شەكاراسىنىڭ ىشىنە كىرىپ، سول جەردە ورتا ازياداعى ەڭ ۇلكەن المازدى قۇدايدىڭ قالاۋىمەن پامير ۇستىرتىنەن قازىپ العان.
وسى كەزدە ءابدىلراشيت دوستىم اقىرى ءبىر بايلامعا كەلىپ ماسكەۋگە جول ءجۇردى. اسكەري ومىردەگى مارشال ءابدىلراشيتتىڭ اتاق-داڭقى مەن ەرلىگى الىس-جاقىنداعى كوپتەگەن ەل باسىلارىنا جاقىن تانىس ەدى. ەلتسين ونى كەزەك كۇتتىرمەي قابىلدادى. مىنەزى قايسار، ءبىر مويىن ءابدىلراشيت پامير تاۋىنان قازىپ الىنعان، ورتا ازياداعى قازىرگە دەيىن تابىلعان ەڭ ۇلكەن المازدى ەلتسيننىڭ الدىنا قويىپ:
- مەندە وسى عانا بار. وسىنى الىڭىز. كومەگىڭىز كەرەك، ءۇمىتىم تاۋسىلىپ بارادى، قارۋ-جاراقتىڭ تاپشىلىعى قيناپ تۇر. ماعان جەتەرلىك قارۋ بەرىڭىز، -دەپ تۇيىندەيدى.
ەلتسين وسى ءبىر ادامنىڭ العان بەتىنەن قايتپايتىن، جەرى مەن ەلى ءۇشىن ادال جۇرەكپەن ءوزىن ارناعان جان دۇنيەسىن باقىلاپ، ۇندەمەي ۇزاق قاراپ وتىرادى.
ءابدىلراشيت تە العان بەتىنەن قايتپاي ءوزىنىڭ تالابىن وعان جالعاستى قويادى.
ءبىر كەزدە كوپ باقىلاپ، كوپ ۇڭىلگەن ەلتسين وعان رازى بولىپ:
- المازىڭىز وزىڭىزدە قالسىن. سۇراعان مولشەرىڭىزدەگى قارۋ-جاراقتى بەرەمىن، -دەپ شىنايى ادامگەرشىلىك قولداۋ تانىتادى.
ءابدىلراشيت جاڭا مۇمكىندىكپەن ەلىنە اتتانادى.
وسى كەرەمەت الماز ءالى كۇنگە دەيىن ءابدىلراشيت دوستىمنىڭ ءوز قولىندا...
"ادىرنا" ۇلتتىق پورتالى
