«Reseı Ýkraınany basyp alǵan jaǵdaıda Qazaqstanǵa basyp kirer edi». Bul pikirdi Ýkraınanyń belgili jýrnalısi Dmıtrıı Gordon óziniń "V gostıah ý Gordona" atty YouTube-kanalynyń tikeleı efırinde habarlady, dep jazady "Adyrna" ulttyq portaly.
«Qazaqstan men Reseı arasynda soǵys bola ma? — dep surady kórermenderdiń biri Gordonnan.
"Reseı Qazaqstanmen soǵysýǵa asa qýanyshty bolmaı, ol jerge birden basyp kirip, ony bodan eter edi. Endi onyń shamasy joq. Eki soǵys júrgizýge kúshi jetpeıdi. Biz olardy ábden qaljyrattyq", - dedi Gordon.
Jýrnalıst Pýtın Keńes Odaǵyn qaıta qurǵysy keletinin aıtty.
"Pýtın kem degende Ýkraına, Reseı, Belarýs jáne Qazaqstandy biriktirgisi keledi. Oraıy kelip jatsa Tájikstandy da, Ózbekstandy da jáne t.b. qosyp alýǵa asyq. Baltyq elderi óz jónimen ketti. Biraq Grýzııa, Armenııa, Ázerbaıjan da onyń oıynda bar. Osy eldiń bári de ol úshin Keńes odaǵy», - dedi Gordan.
Sonymen qatar Dmıtrıı Gordon búkil postkeńestik elder Ýkraınaǵa alǵys aıtýy kerektigin basa aıtty.
«Burynǵy keńes odaǵy halyqtarynyń bári Ýkraınaǵa úlken alǵys aıtýy kerek. Eger biz bolmasaq, olar sizderge barar edi», - deıdi jýrnalıst.
"Adyrna" ulttyq portaly
