Arqalyqta besınşı qabattan qūlaǧan qyzdy qūtqaryp qalu üşın polisiia qyzmetkerı öz keudesın tosty. Joǧary biıktıkten qūlaǧan qyzdy osylaişa qūtqaryp qalǧan. Basynda oqiǧa keiıpkerı besınşı qabattyŋ balkonynan taiyp qūlap, lezde temırden ūstap ülgeredı. Poliseiler kelgende onyŋ küşı sarqylyp, tömenge qūldilai jönelgen. Onyŋ jerge auyr qarqynmen tüsıp, soqqy almauy üşın jerdegı polisei öz keudesın tosqan, dep habarlaidy "Adyrna" ūlttyq portaly Polisia.kz-ke sılteme körsetıp.
Videodan oqiǧa keiıpkerınıŋ qandai qarqynmen polisei qyzmetkerınıŋ üstıne tüskenın aŋǧaruǧa bolady. Polisia.kz-nyŋ Telegram arnasy atap ötkendei, 7 qaŋtarda taŋǧy saǧat 05:30-da boijetken ǧimarat balkonynan taiyp qūlap, temır jaqtaudan myqtap ūstaǧan küiı salbyrap tūrǧan. Būl turaly polisiiaǧa habar kelıp tüsedı.
Oqiǧa ornyna patruldık polisiia qyzmetkerlerı Almat Ämırhan men Ruslan Kapsamatov attanady.
"Jaǧdaidy baǧamdap, Almat Ämırhan dalada qalyp, al serıktesı besınşı qabatqa köterıldı. Osy kezde temırge ılınıp, salbyrap tūrǧan qyz besınşı qabattan qūlap kettı. Tömende qalǧan polisiia qyzmetkerı onyŋ qatty ekpınmen soqqy almauy üşın öz denesın tosty. Sonyŋ arqasynda 29 jastaǧy qala tūrǧyny zardap şekken joq", delıngen habarlamada.Patruldık polisiia qyzmetkerı Almat Ämırhan bırneşe jaraqat alyp, aiaǧyn auyrtyp aldy. Oǧan medisinalyq kömek körsetıldı.
"Adyrna" ūlttyq portaly
Ūqsas jaŋalyqtar
