قازاقستاندا McDonald’s برەندىنىڭ مەيرامحانالارى جۇمىسىن توقتاتتى. فرانشيزانىڭ جۇمىسىن توقتاتۋىنا رەسەيدەن كەلەتىن ەت تاسىمالداۋ قىزمەتىنىڭ توقتاۋى سەبەپ بولعان، دەپ حابارلايدى "ادىرنا" ۇلتتىق پورتالى.
ەت جەتكىزۋ ماسەلەسىنىڭ تۋىنداۋىنا بايلانىستى مسDonald’s فرانشيزاسى قازاقستانداعى جۇمىسىن ءبىرجولاتا توقتاتىنىن مالىمدەدى. بۇعان دەيىن كورپوراتسيا وكىلدەرى رەسەيدەن ەت تاسىمالداپ، ءوز قىزمەتىن جۇرگىزىپ كەلگەن.
بۇعان قاتىستى قر اۋىل شارۋاشىلىعى مينيسترلىگىنىڭ ءباسپاسوز قىزمەتى تومەندەگىدەي مالىمدەمە جاسادى:
- McDonald's مەيرامحانالار جەلىسى رەسەيلىك ەت ونىمدەرى جانە جارتىلاي فابريكاتتارمەن قامتاماسىز ەتىلدى، وندا كومپانيانىڭ ءىرى تاراتۋ ورتالىقتارى بولدى. بىراق McDonald's-تىڭ رەسەيدەن كەتۋىنە بايلانىستى شيكىزاتتى جەتكىزۋدە ماسەلە تۋىندادى.
جۋرناليست ايدوس جۇقانۇلى McDonald's مەيرامحانالار جەلىسىنىڭ ەلدەن كەتۋ سەبەبىنە قاتىستى:
- 30 جىلدا McDonald's-كە قاراپايىم كوتلەت ازىرلەي الماعان اگرارلى قازاقستان، - دەپ پىكىر ءبىلدىردى.
قازاقستاننىڭ قوعام قايراتكەرى مۇرات ابەنوۆ الەمگە ايگىلى برەندتىڭ ەلدەن كەتۋىن جاقسى ۇردىسكە بالامايدى.
الەمگە ايگىلى برەندتەر قازاقستاننان قاشقانى جاقسى ءۇردىس ەمەس. شەت ەلدىڭ مىقتى ينۆەستورلارلار ەندىگى كەزدە "جاڭا قازاقستاندى" الىستان اينالىپ وتەدى، ءبىزدىڭ رەفورمالارعا سەنبەيدى دەگەن ءسوز. ونىڭ ورىنا رەسەيدىڭ رەستورانى كەلسە، تىپتەن، شىن "قوقىستىق" دەڭگەيمىزدى دۇنيە جۇزىنە "پاش ەتەدى", -دەپ جازدى مۇرات ابەنوۆ.
نەگىزىنەن العاندا، قازاقستانداعى McDonald’s برەندىنىڭ العاشقى مەيرامحاناسى 2016 جىلى اشىلدى. ەلدە جالپى 24 مەيرامحاناسى بولدى. ولار الماتى، استانا، اتىراۋ، اقتوبە، قوستاناي، قاراعاندى قالالارىندا ورنالاستى. مەيرامحانالار 2000-عا جۋىق ادامدى جۇمىسپەن قامتىعان.
"ادىرنا" ۇلتتىق پورتالى
