Ulttyq aqparat keńistiginde "Qańtar oqıǵasy" jaıly sóz qozǵamaq bolǵan qaýymdy ıtke teńegen bılik ókiliniń vıdeosy tarady. Tutas qaýymdy ıtke teńegen shendi - Bas prokýratýranyń Parlamenttegi ókili Meırambaı Kemalov. Sheneýniktiń bul óktemdigi kóp adamnyń ashýyn týǵyzyp, aıtarlyqtaı qarsylyqqa ushyrap jatyr, dep habarlaıdy "Adyrna" ulttyq portaly.
Qaznette Bas prokýratýranyń Parmamenttegi ókili Meırambaı Kemalovtyń Qańtar jaıly suraq qoımaq bolǵandarǵa «ketińder, sender ıtsińder» dep jaýap bergen vıdeosy tarap jatyr. Buǵan qatysty jýrnalıst Asan Anarbaı:
- QR Bas prokýratýrasy QAŃTAR’dyń 40 ótirigin quraımyn dep basyna kún tıgen dersiń. Aqorda jıi aıtatyn ZAŃ ÚSTEMDIGI ras bolsa qoǵam jyl boıy kútken suraqtarǵa jaýap alýǵa talpynǵan áriptesterge qarata ITke teńegen prokýratýra ókili Meırambaı Kemalov qyzmetten qýylsyn! - dep jazdy.
Ózge de aqparat ókilderi men qoǵam belsendileri shendiniń bul áreketin suraqtan jaltarý dep sanaıdy.
View this post on Instagram
- Áriptesterime "kettińder", "ıtsińder" dedi me? Eldiń taǵdyry synǵa túsken qańtar oqıǵasynda qatysty suraqqa osyndaı jaýap aldy. Biz eshteńeden de sabaq almappyz. Bir kúnniń qamy. "Birdeńe desem, erteń sózim ózime qarsy shyǵa ma?" degen qorqynysh bar. Jýrnalısterdi sońynan shubyrtyp qoıyp, tyǵylatyn jer izdep júredi.... (Bul - tek keshegi jaǵdaı emes, birazdan beri kóz aldymyzda qalyptasqan sýret) Áý basta aıtylǵan aqparatty túrlendirip, bir jyl jazyp keldik. Eldiń de, áriptesterdiń de tyń aqparat kútetini anyq. Jýrnalıstiń mindeti - aqparat taratý. Ol oıyna kelgendi jaza almaıdy. Shynaıy aqparat jazylsyn deseń, naqty, durys derek aıt, qurmetti quzyrly organ ókilderi, tıisti mamandar. Aıtaryń joq bolsa, úndeme, - dep jazdy jýrnalıst Botagóz Jókenqyzy.
"Adyrna" ulttyq portaly
