ايتىسكەر اقىن رينات زايىتوۆ ءوزىن قر پارلامەنت دەپۋتاتىنا كانديداتتىققا ۇسىندى. بۇل تۋرالى ول Instagram پاراقشاسىندا جازدى، دەپ حابارلايدى “ادىرنا” ۇلتتىق پورتالى.
اقىننىڭ ايتۋىنشا، بۇل شەشىمدى قابىلداۋ وڭايعا سوقپاعان.
“قۇجات تاپسىرىلدى. قازاقستان رەسپۋبليكاسىنىڭ پارلامەنتى ءماجىلىسىنىڭ دەپۋتاتىن سايلاۋ بويىنشا №3 بىرمانداتتىق اۋماقتىق سايلاۋ وكرۋگىنىڭ وكرۋگتىك سايلاۋ كوميسسياسىنا بۇگىنماجوريتارلىقجۇيەمەن ءوزىمدى-ءوزىم قازاقستانرەسپۋبليكاسى پارلامەنت دەپۋتاتىنا كانديداتتىققا ۇسىندىم.
مويىندايمىن. وڭاي كەلگەن شەشىم ەمەس. ەڭ اۋەلگى سۇراق قاي ايماقتان باق سىنايتىنىم بولعان. الدىمدا ەكى تاڭداۋ بولدى. 1) الماتى قالاسى 2) اباي وبلىسى. ارينە ءبىر قاراعان ادامعا تۋعان جەرىم ءۇش جۇرتىمنىڭ ەڭ كوپ وكىلدەرى تۇراتىن ايماق. اباي وبلىسى ءتيىمدى بولاتىن ەدى.
بىراق، «اۋىل ءيتىنىڭ اۋزى ساسىق» ەكەنىن، ءبىر وبلىستى تولىق ارالاۋعا، ءار اۋىلدان سەنىمدى وكىل، ءار ۋچاستوكتەن باقىلاۋشى ت.ب. ەسكەرسەك ونىڭ بارلىق شىعىنىن وتەيتىن مەندە مۇمكىندىك تە، دەمەۋشى دە جوق. وعان قوسا ايماقتاردا جەرگىلىكتى بيلىكتىڭ ىقپالى وتە ۇلكەن. سوندىقتان الماتى.
الماتى - ازاتتىقتىڭ استاناسى. الماتى-رۋحتى قاۋىمنىڭ مەكەنى. ول از دەسەڭىز، وسىدان ءتورت جىل بۇرىن بيلىكتىڭ كىسەنىنەن جۇلىپ العان دا وسى الماتىداعى اعايىن. دەمەۋشىم جوق دەمەيمىن. تىلەكتەستەرىم بار. قازاق بار! جاراتۋشىدان كەيىن سەنەرىم سولار. تاۋەكەل. وڭاي شەگىنبەيتىنىمدى ەسكەرتۋدىڭ قاجەتى جوق شىعار. سوندا دا...”،- دەپ جازدى ول.
