ەكولوگيا جانە تابيعي رەسۋرستار ءمينيسترى قىزمەتىنە زۇلفيا سۇلەيمەنوۆا تاعايىندالدى. بۇل تۋرالى تelegram-داعى بورت N1 ارناسى جاريالادى، دەپ حابارلايدى “ادىرنا” ءتىلشىسى.
“مەملەكەت باسشىسىنىڭ جارلىعىمەن ءزۇلفيا بولاتقىزى سۇلەيمەنوۆا ەكولوگيا جانە تابيعي رەسۋرستار ءمينيسترى لاۋازىمىنا تاعايىندالدى”، – دەپ جازىلعان جارلىقتا.
پرەزيدەنتتىڭ جارلىعىمەن سەرىكقالي برەكەشەۆ ەكولوگيا ءمينيسترى لاۋازىمىنان بوساتىلدى.
ايتا كەتەيىك، ءزۇلفيا سۇلەيمەنوۆا 1990 جىلعى 25 اقپاندا اقتوبە وبلىسىندا دۇنيەگە كەلگەن. ۇلتى – قازاق. قازاق، ورىس جانە اعىلشىن تىلدەرىن ەركىن مەڭگەرگەن.
لەۆ گۋميلەۆ اتىنداعى ەۋرازيا ۇلتتىق ۋنيۆەرسيتەتىنەن «حالىقارالىق قاتىناستار» ماماندىعى بويىنشا باكالاۆريات پەن ماگيستراتۋرانى بىتىرگەن. «قاۋىپسىزدىك جانە حالىقارالىق زەرتتەۋلەر» باعدارلاماسى بويىنشا جوپانيانىڭ ۇلتتىق ساياسي زەرتتەۋلەر ينستيتۋتىندا PhD دوكتور دارەجەسىن العان. پرەزيدەنتتىك جاستار كادرلىق رەزەرۆىنىڭ رەزەرۆشىسى.
ەڭبەك جولىن 2014 جىلى جاھاندىق ساياسات جانە قاۋىپسىزدىك ورتالىعى وڭىرلىك جانە جاھاندىق قاۋىپسىزدىك ءبولىمىنىڭ عىلىمي قىزمەتكەرى لاۋازىمىنان باستادى.
2020 جىلعى قاڭتاردان باستاپ 2021 جىلعى قاڭتارعا دەيىن ەكولوگيا، گەولوگيا جانە تابيعي رەسۋرستار مينيسترلىگى ەكولوگيالىق ساياسات جانە تۇراقتى دامۋ، كليماتتىق ساياسات جانە جاسىل تەحنولوگيالار دەپارتامەنتتەرىندە ديرەكتوردىڭ ورىنباسارى لاۋازىمدارىن اتقارعان.
2021 جىلعى قاڭتاردان 2022 جىلعى ناۋرىز ارالىعىندا ءماجىلىس دەپۋتاتى بولدى.
2022 جىلعى ناۋرىزدان باستاپ وسى كۇنگە دەيىن ەكولوگيا، گەولوگيا جانە تابيعي رەسۋرستار ۆيتسە-ءمينيسترى.
