Ekologııa jáne tabıǵı resýrstar mınıstri qyzmetine Zúlfııa Súleımenova taǵaıyndaldy. Bul týraly Telegram-daǵy Bort N1 arnasy jarııalady, dep habarlaıdy “Adyrna” tilshisi.
“Memleket basshysynyń Jarlyǵymen Zúlfııa Bolatqyzy Súleımenova Ekologııa jáne tabıǵı resýrstar mınıstri laýazymyna taǵaıyndaldy”, – dep jazylǵan Jarlyqta.
Prezıdenttiń Jarlyǵymen Serikqalı Brekeshev Ekologııa mınıstri laýazymynan bosatyldy.
Aıta keteıik, Zúlfııa Súleımenova 1990 jylǵy 25 aqpanda Aqtóbe oblysynda dúnıege kelgen. Ulty – qazaq. Qazaq, orys jáne aǵylshyn tilderin erkin meńgergen.
Lev Gýmılev atyndaǵy Eýrazııa Ulttyq ýnıversıtetinen «Halyqaralyq qatynastar» mamandyǵy boıynsha bakalavrıat pen magıstratýrany bitirgen. «Qaýipsizdik jáne halyqaralyq zertteýler» baǵdarlamasy boıynsha Jopanııanyń Ulttyq saıası zertteýler ınstıtýtynda PhD doktor dárejesin alǵan. Prezıdenttik jastar kadrlyq rezerviniń rezervshisi.
Eńbek jolyn 2014 jyly Jahandyq saıasat jáne qaýipsizdik ortalyǵy Óńirlik jáne jahandyq qaýipsizdik bóliminiń ǵylymı qyzmetkeri laýazymynan bastady.
2020 jylǵy qańtardan bastap 2021 jylǵy qańtarǵa deıin Ekologııa, geologııa jáne tabıǵı resýrstar mınıstrligi Ekologııalyq saıasat jáne turaqty damý, Klımattyq saıasat jáne jasyl tehnologııalar departamentterinde dırektordyń orynbasary laýazymdaryn atqarǵan.
2021 jylǵy qańtardan 2022 jylǵy naýryz aralyǵynda Májilis depýtaty boldy.
2022 jylǵy naýryzdan bastap osy kúnge deıin Ekologııa, geologııa jáne tabıǵı resýrstar vıe-mınıstri.
