«AMANAT»-تىڭ وڭىرلىك جانە اۋماقتىق فيليالدارىندا پارتيالىق كونفەرەنتسيالار ءوتتى. كۇن تارتىبىندە وڭىرلىك فيليالداردىڭ 2022 جىلعى 10 ايداعى جۇمىسىن قورىتىندىلاۋ، سونداي-اق اكىمدەردى فيليال توراعاسى قىزمەتىنەن بوساتۋ ماسەلەلەرى قارالدى.
بيىل ناۋرىزدا مەملەكەت باسشىسى قاسىم-جومارت توقاەۆ قازاقستان حالقىنا جولداۋىندا اكىمدەر مەن ولاردىڭ ورىنباسارلارىنا پارتيا فيليالدارىندا لاۋازىم يەلەنۋگە زاڭ جۇزىندە تىيىم سالۋ قاجەت ەكەنىن مالىمدەدى. قاراشانىڭ باسىندا زاڭنامالىق اكتىلەرگە ءتيىستى تۇزەتۋلەر ەنگىزىلدى.
كونفەرەنتسيا قورىتىندىسى بويىنشا، بارلىق دەڭگەيدەگى اكىمدەر بۇدان بىلاي «AMANAT» پارتياسىنىڭ وبلىستىق، قالالىق جانە اۋداندىق فيليالدارىنىڭ توراعاسى لاۋازىمىن اتقارمايدى. پارتيانىڭ ءتيىستى فيليالدارىنداعى ساياسي كەڭەس بيۋروسى مەن ساياسي كەڭەستەرىنىڭ قۇرامىنا كىرمەيدى.
«بۇل شارا ەل پرەزيدەنتى قاسىم-جومارت توقاەۆ جاريالاعان ساياسي رەفورمالار باعىتىن ىسكە اسىرۋدىڭ قيسىندى جالعاسى سانالادى. بۇل قادام پارتيالىق باسەكەلەستىككە سەرپىن بەرەتىنىنە سەنىمدىمىز. اسىرەسە، ءماجىلىس پەن بارلىق دەڭگەيدەگى ءماسليحاتتاردا وتەتىن الداعى سايلاۋ اياسىندا بۇل شەشىم وتە وزەكتى»، - دەپ اتاپ ءوتتى «AMANAT» پارتياسىنىڭ اتقارۋشى حاتشىسى اسحات ورالوۆ.
